Qirg‘izistondan Axsikentga sayyohlarlar jalb etiladi — tafsilotlar
15:08 07.09.2023 (yangilandi: 15:58 07.09.2023)
Obuna bo‘lish
O‘zbekiston va Qirg‘iziston o‘rtasida sayyohlarni jalb etishni nazarda tutuvchi memorandumlar imzolandi.
TOShKENT, 7 sen — Sputnik. Namangandagi "Axsikent" arxeologik yodgorlik majmuasiga Qirg‘izistondan sayyohlarlar jalb etiladi, deya xabar berdi viloyat hokimligi.
Qirg‘izistonning Jalodobod viloyati Axsi va Olabuqa rayonlari delegatsiyasi Namangan viloyatiga tashrif buyurdi.
Tashrif davomida Axsikent arxeologiya merosi obyektini muhofaza qilish va tadqiq etish direksiyasi hamda Olabuqa rayoni turizm sohasi tadbirkorlari biznes hamjamiyati va Axsi rayoni Podshoota qo‘riqxonasi o‘rtasida memorandumlar imzolandi.
Qirg‘izistondan Axsikentga sayyohlarlar jalb etiladi
© Xokimiyat Namanganskoy oblasti
"Ushbu hujjat o‘zaro sayyoh almashinuvi, Axsi va Olabuqa rayonlari aholisini Axsikent yodgorlik majmuasiga keng jalb etish, bu borada ijtimoiy tarmoq va ommaviy axborot vositalarida targ‘ibot ishlarini amalga oshirishni ko‘zda tutadi", - deyiladi xabarda.
Eslatib o‘tamiz, avvalroq "Axsikent" arxeologik yodgorlik majmuasi vodiyning yirik turizm markaziga aylantirilishi ma’lum qilingandi.
Ma’lumot uchun, Axsikent eramizdan avvalgi III asrda tashkil topgan bo‘lib, qadimgi Farg‘ona davlatining poytaxti, Buyuk ipak yo‘lining asosiy shaharlaridan biri bo‘lgan. Bugungi kunda Axsikentning 100 gektarga yaqin qismi saqlanib qolgan bo‘lib, u Farg‘ona vodiysidagi eng katta arxeologik yodgorlikdir. Arxeologlar tomonidan temirchilar ustaxonasi, X – XIII asrlarga oid hammom qoldiqlari, askarlar xonalari, jome masjidi, mudofaa devorlari, yer osti irrigatsiya tarmoqlari, hunarmandlar mahallasi, hukmdor qarorgohi – Ark qazib o‘rganilgan.
