TOShKENT, 30 avg — Sputnik. Prezident Shavkat Mirziyoyev bugun, 30-avgust kuni Ko‘ksaroyda O‘zbekiston mustaqilligining 32-yilligi munosabati bilan taqdirlanganlarga davlat mukofotlarini topshirdi. Bu haqda prezident matbuot xizmati xabar berdi.Mirziyoyevning farmonlariga muvofiq, mustaqillikning o‘ttiz ikki yilligi munosabati bilan bir guruh O‘zbekiston fuqarolari faxriy unvonlar, orden va medallar bilan, chet ellik investorlar “Do‘stlik” ordeni bilan mukofotlangan edi.Davlat rahbari marosim ishtirokchilarini Mustaqillik bayrami bilan tabriklab, ezgu tilaklarini izhor etdi. Bu davrda O‘zbekiston katta taraqqiyot yo‘lini bosib o‘tgani, barcha sohalarda o‘zgarishlar bo‘layotgani ta’kidlandi.Davlat rahbari mahallalardagi ishlarni, odamlarning faolligini qayd etdi.Prezident marosimga yig‘ilganlarni nomma-nom tilga olib, davlat mukofotlari bilan tabrikladi. Ularni Yangi O‘zbekistonning chinakam bunyodkorlari sifatida qadrlashini ta’kidlab, fidokorona mehnati, yosh avlodga ibrati uchun minnatdorlik bildirdi.Shundan so‘ng, mukofotlanganlarga faxriy unvon, orden va medallar tantanali ravishda topshirildi.Marhum muftiylar – shayx Ziyovuddinxon ibn Eshon Boboxon hamda shayx Muhammad Sodiq Muhammad Yusuf “Oliy Darajali Imom Buxoriy” ordeni bilan mukofotlangan edi. Tadbirda ularning farzandlariga ushbu nishon topshirildi.Nuroniylar, davlat xizmatchilari, olim va pedagoglar, tadbirkorlar, sanoatchilar, ijodkor va san’atkorlar, harbiylar, sportchi va murabbiylar mukofotlarni qabul qilib oldi.Mukofotlanganlar yuksak e’tibor uchun minnatdorlik bildirdi.
Prezident marosimga yig‘ilganlarni nomma-nom tilga olib, davlat mukofotlari bilan tabrikladi.
TOShKENT, 30 avg — Sputnik. Prezident Shavkat Mirziyoyev bugun, 30-avgust kuni Ko‘ksaroyda O‘zbekiston mustaqilligining 32-yilligi munosabati bilan taqdirlanganlarga davlat mukofotlarini topshirdi. Bu haqda prezident matbuot xizmati xabar berdi.
Mirziyoyevning farmonlariga muvofiq, mustaqillikning o‘ttiz ikki yilligi munosabati bilan bir guruh O‘zbekiston fuqarolari faxriy unvonlar, orden va medallar bilan, chet ellik investorlar “Do‘stlik” ordeni bilan mukofotlangan edi.
Davlat rahbari marosim ishtirokchilarini Mustaqillik bayrami bilan tabriklab, ezgu tilaklarini izhor etdi. Bu davrda O‘zbekiston katta taraqqiyot yo‘lini bosib o‘tgani, barcha sohalarda o‘zgarishlar bo‘layotgani ta’kidlandi.
“Xalq manfaatini ta’minlash, inson qadrini ulug‘lashga qaratilgan harakatlarni davom ettirish maqsadida “O‘zbekiston – 2030” strategiyasini ishlab chiqdik. Uning loyihasini muhokamaga qo‘yganimizda 1 milliondan ko‘p takliflar kelib tushdi. Bu nimadan dalolat? Xalqimiz befarq emas. Yo‘nalishlarimizni, kamchiliklarimizni ko‘rsatib berapti. Bu biz uchun “yo‘l xaritasi”. Davlatga eng katta hakam – xalq”, – dedi prezident.
Davlat rahbari mahallalardagi ishlarni, odamlarning faolligini qayd etdi.
“Biz birinchi kundan xalq ichiga kirib borapmiz. Ko‘p tizimlarni mahallaga tushirapmiz. Nimaga? Mahalla – davlatchiligimizning zamini. Agar 9 ming 400 ta mahalla tinch bo‘lsa, yurtimiz tinch bo‘ladi. Investitsiya ham, ta’lim-tarbiya, qurilish, obodonlashtirish ham mahallada bo‘lsa, qanday o‘zgarish bo‘ladi?! Mana, “Ochiq budjet” orqali odamlar o‘z muammosini olib chiqib, ovoz berib, o‘zi nazorat qilyapti. Shuning uchun mahalla tizimini rivojlantirish bo‘yicha ishlarimizni qat’iy davom ettirami”, – dedi Shavkat Mirziyoyev.
Prezident marosimga yig‘ilganlarni nomma-nom tilga olib, davlat mukofotlari bilan tabrikladi. Ularni Yangi O‘zbekistonning chinakam bunyodkorlari sifatida qadrlashini ta’kidlab, fidokorona mehnati, yosh avlodga ibrati uchun minnatdorlik bildirdi.
“Baxt nima o‘zi? Farzandlar bag‘rida sog‘-salomat yurish, oilada, el-yurtda aziz bo‘lish, halol qilgan mehnatingning qadrini ko‘rish. Butun xalqimiz sizlar bilan faxrlanadi, sizlarga havas bilan qaraydi. Ilohim, mana shunday obro‘, mana shunday hurmat-e’tibor sizlarni hech qachon tark etmasin”, – dedi Shavkat Mirziyoyev.
Shundan so‘ng, mukofotlanganlarga faxriy unvon, orden va medallar tantanali ravishda topshirildi.
Marhum muftiylar – shayx Ziyovuddinxon ibn Eshon Boboxon hamda shayx Muhammad Sodiq Muhammad Yusuf “Oliy Darajali Imom Buxoriy” ordeni bilan mukofotlangan edi. Tadbirda ularning farzandlariga ushbu nishon topshirildi.
Nuroniylar, davlat xizmatchilari, olim va pedagoglar, tadbirkorlar, sanoatchilar, ijodkor va san’atkorlar, harbiylar, sportchi va murabbiylar mukofotlarni qabul qilib oldi.
“Bugun men sizlarning ochiq chehrangiz, baxtiyor ko‘zlaringizni, sizlardagi baland ruhni ko‘rib, ochig‘ini aytsam, go‘yoki o‘zim ham mukofot olgandek xursand bo‘lib turibman. Niyatim: ko‘ksingizga yarashib turgan mana shu yuksak unvon va nishonlar sizlarga yangi-yangi kuch-g‘ayrat baxsh etsin”, – dedi prezident.
