UQKning qurbonli hujumlari davom etmoqda: MV 9-avgust hisoboti
© Sputnik / Yevgeniy Biyatov
/ Obuna bo‘lish
Ukraina qurolli kuchlari Kupansk, Donesk, Zaporojye va Krasniy Liman yo‘nalishlarida dushmanning o‘ndan ortiq hujumlarini qaytardi. O‘tgan sutkada Ukraina 800 nafarga yaqin askarini yo‘qotdi...
TOShKENT, 9 avg — Sputnik. Rossiya Federatsiyasi olib borayotgan maxsus harbiy operatsiyaning so‘nggi kun davomida sodir bo‘lgan asosiy voqealari.
Mudofaa vazirligi 9-avgust hisoboti:
Kupansk yo‘nalishida "G‘arb" kuchlar guruhi LXRning Novoselovskoe va Xarkov viloyatining Mankovka darasi hududlarida UQKning 14, 32, 41 va 67-mexanizatsiyalashgan brigadalari bo‘linmalarining oltita hujumi va qarshi hujumlarini qaytardi.
Xarkov viloyatining Sinkovka va Kislovka aholi punktlari hududlarida UQKning 67-mexanizatsiyalashgan brigadasi va 103-hududiy mudofaa brigadasining ishchi kuchi va texnikalari to‘plangan pozitsiyalariga zarba berildi.
Kun davomida dushman yo‘qotishlari 75 nafar ukrainalik harbiy xizmatchi, ikkita zirhli jangovar mashina, uchta avtomashina, Polshada ishlab chiqarilgan "Krab" o‘ziyurar artilleriya moslamasi va AQShda ishlab chiqarilgan AN/TPQ-50 artilleriyaga qarshi radarini tashkil etdi.
Donesk yo‘nalishida "Janub" kuchlar guruhi DXRning Minkovka, Krasnoe, Avdeyevka va Klesheyevka aholi punktlari hududida Ukraina Qurolli kuchlarining beshta hujumini qaytardi.
O‘tgan sutka davomida 370 nafargacha ukrainalik harbiy xizmatchi, ikkita tank, oltita zirhli jangovar mashina, to‘rtta texnika, AQShda ishlab chiqarilgan ikkita M777 artilleriya tizimi, Polshada ishlab chiqarilgan "Krab" o‘ziyurar artilleriya moslamasi va D-20 gaubitsasi yo‘q qilindi.
Zaporoje yo‘nalishida Rossiya kuchlari Zaporoje viloyatining Rabotino va Uspenovka aholi punktlari hududlarida UQKning 46-aeromobil brigadasining hujumchi guruhlari tomonidan uchta hujumni qaytardi. Ushbu yo‘nalishdagi dushman yo‘qotishlari 40 nafar harbiy xizmatchi, uchta zirhli jangovar texnikasi, to‘rtta texnikasi, "Gvozdika" o‘ziyurar artilleriya majmuasi va D-30 gaubitsasini tashkil etdi.
Krasniy Liman yo‘nalishida "Markaz" qo‘shinlari guruhi DXRning Terniy va Grigorovka shaharlari hududida UQKning 21 va 42 mexanizatsiyalashgan brigadalarining ikkita hujumni muvaffaqiyatli qaytardi. Bir sutkada 80 nafargacha ukrainalik harbiy xizmatchi, ikkita zirhli jangovar mashina, uchta pikap, shuningdek, D-20 gaubitsasi yo‘q qilindi.
Janubiy Donesk yo‘nalishida "Sharq" qo‘shinlari guruhi Zaporoje viloyati Priyutnoe aholi punkti yaqinida dushmanning razvedka o‘tkazishga urinishini bartaraf etdi. DXRning Urojaynoe aholi punkti hududida qo‘poruvchilik-razvedka guruhining faoliyati to‘xtatildi. Kun davomida dushmanning yo‘qotishlari 180 nafar harbiy xizmatchi, bitta tank, uchta zirhli jangovar mashina, ikkita pikap, Polshada ishlab chiqarilgan "Krab" o‘ziyurar artilleriya moslamasi, ikkita "Giatsint-B" va "Akatsiya" o‘ziyurar gaubitsasini tashkil etdi.
Xerson yo‘nalishida 50 nafargacha ukrainalik harbiy xizmatchi, ikkita avtomashina, AQShda ishlab chiqarilgan M777 artilleriya tizimi, Giatsint-B to‘pi va "Gvozdika" o‘ziyurar artilleriya majmuasi va D-30 gaubitsasi yo‘q qilindi.
Rossiya aviatsiyasi, raketa kuchlari va artilleriyasi Ukraina Qurolli Kuchlarining 132 ta hududda joylashgan ishchi kuchi va harbiy texnikasiga zarba berdi.
Havo mudofaasi tizimlari kun davomida AQShda ishlab chiqilgan 9ta HIMARS reaktiv tizimi raketalarini tutib oldi.
Xarkov viloyatining Olshana, LXRning Lisichansk, Kremennaya, DXRning Rovnopol, Nikolskoe va Orlinskoe Zaporoje viloyatining Chumatskoe, Xerson viloyatining Aleshki aholi punktida Ukrainaning 35 ta uchuvchisiz apparati yo‘q qilindi.
Maxsus harbiy operatsiya boshlangandan beri Ukraina jami 458 ta samolyot, 245 ta vertolot, 5600 ta uchuvchisiz uchish apparati, 428 ta zenit-raketa majmuasi, 11 204 ta tank va boshqa zirhli jangovar texnikalar, 1144 ta ko‘p raketali tizimlar jangovar texnikasi, 5819 ta dala artilleriya qurollari va minomotlar, 12155 dona maxsus harbiy avtomobil texnikasidan mahrum bo‘ldi.
