Futbol: O‘zbekistonning U-23 Osiyo kubogining saralash bosqichidagi raqiblari ma’lum bo‘ldi

© O‘zbekiston futbol assotsiatsiyasiFutbol muhlislari
Futbol muhlislari - Sputnik O‘zbekiston, 1920, 25.05.2023
Obuna bo‘lish
Futbol bo‘yicha U-23 Osiyo kubogining saralash bosqichiga qur’a tashlandi. O‘zbekiston Olimpiya terma jamoasi “E” guruhidan o‘rin oldi.
TOShKENT, 25-may — Sputnik. Futbol bo‘yicha U-23 Osiyo kubogining saralash bosqichiga qur’a tashlandi. Unda ishtirok etadigan O‘zbekiston Olimpiya terma jamoasi “E” guruhidan o‘rin oldi. Bu haqda Yoshlar siyosati va sport vazirligi xabar berdi.
Qur’a natijasiga ko‘ra, O‘zbekiston quyidagi terma jamoalarga qarshi bahs olib boradi:
Eron;
Gonkong;
Afg‘oniston.
Ushbu guruh bahslarga O‘zbekiston mezbonlik qiladi. O‘yinlar 4-12 sentabr kunlari o‘tkaziladi.
Eslatib o‘tamiz, U-23 Osiyo kubogining final bosqichi 2024-yilning aprel-may oylarida Qatar poytaxtida o‘tkaziladi. Musobaqa Parij-2024 Olimpiya o‘yinlariga yo‘llanma beruvchi turnir hisoblanadi. Dastlabki 3 o‘rinni qo‘lga kiritgan jamoalar to‘g‘ridan-to‘g‘ri Olimpiada yo‘llanmasiga ega bo‘ladi. To‘rtinchi o‘rin egasi qit’alararo pley-off bosqichi orqali kurashni davom ettiradi.
Yangiliklar lentasi
0