https://oz.sputniknews.uz/20230510/boks-boyicha-jch-ozbekistonlik-bokschi-yarim-final-34818588.html

Boks bo‘yicha JCh: 9 nafar o‘zbekistonlik bokschi yarim finalda - foto, video

Boks bo‘yicha JCh: 9 nafar o‘zbekistonlik bokschi yarim finalda - foto, video

Sputnik O‘zbekiston

Toshkent mezbonlik qilayotgan boks bo‘yicha erkaklar o‘rtasidagi jahon chempionatining chorak final janglari o‘tkazildi.Yarim final chiptasi uchun ringga ko‘tarilgan O‘zbekiston terma jamoasining 11 nafar vakilidan 9 nafari g‘alaba qozondi.

2023-05-10T21:11+0500

2023-05-10T21:11+0500

2023-05-10T22:14+0500

boks bo‘yicha jahon chempionati — 2023

sport

o‘zbekiston

boks

https://cdn1.img.sputniknews.uz/img/07e7/05/0a/34827881_0:0:1280:721_1920x0_80_0_0_922b8ec9c474b704d5d9e96e89cb312c.jpg

TOShKENT, 10-may — Sputnik. Bugun Toshkent mezbonlik qilayotgan boks bo‘yicha erkaklar o‘rtasidagi jahon chempionatining chorak final janglari o‘tkazildi.Yarim final chiptasi uchun ringga ko‘tarilgan O‘zbekiston terma jamoasining 11 nafar vakilidan 9 nafari g‘alaba qozondi.Birinchi bo‘lib jang qilgan Hasanboy Do‘smatov (-51 kg) amaldagi chempion yaponiyalik Tomoya Suboini mag‘lub etib, yarim finalga yo‘l oldi.Abdumalik Xalokov iordaniyalik Ishish Yusuf ustidan qiyinchiliksiz g‘alaba qozonib, jahon chempionatining medalini naqd qildi.Ruslan Abdullayev -63.5 kg vazn toifasida yarim final yo‘llanmasiga sazovor bo‘ldi. Jahon chempionati debutanti chorak finalda fransiyalik Lounes Xamrouidan ustun keldi.-71 kg vazn toifasida ishtirok etayotgan Saidjamshid Jafarov rossiyalik Igor Sviridchenkov ustidan g‘alaba qozonib, yarim final yo‘llanmasiga ega bo‘ldi.Og‘ir vazn toifasidagi umidli o‘zbek bokschilaridan biri Lazizbek Mullojonov (-92 kg) musobaqadagi sensatsiyalardan biriga mualliflik qildi. U ikki karra Olimpiada chempioni, 5 karra jahon chempioni kubalik Xulio La Krusni bu musobaqada medalsiz qoldirdiOybek Jo‘rayev (-54 kg) JCh chorak finalidagi jangini ispaniyalik Gabriel Eskobarga qarshi o‘tkazdi va g‘alabaga erishdi.Mujibillo Tursunov (-60 kg) rossiyalik bokschi Vsevolod Shumkovga qarshi ringga ko‘tarildi. U nomdor raqibiga munosib qarshilik ko‘rsatdi, biroq imkoniyatni boy berdi.Asadxo‘ja Mo‘ydinxo‘jayev (-67 kg) kubalik kuchli raqib - Roniel Iglesiasga qarshi jang o‘tkazdi va 4:3 hisobida g‘alabaga erishdi.O‘zbekiston terma jamoasining bu musobaqadagi eng yosh bokschisi A’loxon Abdullayev (-75 kg ) bu gal vengriyalik Filip Akilov ustidan g‘alaba qozonib, yarim finalga chiqdi.Shohjahon Abdullayev (-86 kg) amaldagi chempion ozarbayjonlik Alfonso Domingezga imkoniyatni bor berdi.Eng og‘ir vazn toifasida (+92 kg) Tokio-2020 Olimpiadasi chempioni Bahodir Jalolov chorak finalda azaliy raqiblaridan biri qozog‘istonlik Kamshibek Konkabayev bilan to‘qnash keldi. Murosasiz kechgan bahsda Jalolov yarim final yo‘llanmasini qo‘lga kiritdi.Shu tariqa, boks bo‘yicha jahon chempionatining yarim finalida 9 nafar O‘zbekiston vakili medal uchun kurash olib boradi.Toshkentda 30-apreldan buyon o‘tkazilib kelayotgan boks bo‘yicha erkaklar o‘rtasidagi JCh 14-mayga qadar davom etadi. 11-may kuni yarim final, 12-14 may kunlari final janglari o‘tkaziladi.

o‘zbekiston

2023

Yangiliklar

uz_UZ

toshkent boks bo‘yicha jahon chempionati