Onkologiya - Sputnik O‘zbekiston, 1920, 21.01.2022
Bu qiziq
Ushbu ruknimizda ilm-fan, inson sog‘ligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli ma’lumotlar bor.

Rossiyada saratonga qarshi yangi dori kashf qilindi

© Fotolia / CrevisRakovaya kletka v organizme cheloveka
Rakovaya kletka v organizme cheloveka - Sputnik O‘zbekiston, 1920, 01.05.2023
Obuna bo‘lish
MISiS universiteti olimlari saraton kasalligini davolash uchun yangi dori – riboplatinni ishlab chiqdi.
TOShKENT, 1-may — Sputnik. Dorining samaradorligi uning aniq yo‘nalishli ta’siriga asoslanadi.
Dori tarkibidagi moddalar faollashadi va to‘g‘ridan-to‘g‘ri o‘simtaga qarshi ta’sir ko‘rsatadi. Lekin, bemorning butun tanasiga zararli ta’sir juda kam miqdorda bo‘ladi.
Dori tarkibi V2 vitamini deb ham ataladigan riboflavin va bioaktiv molekulaga birlashtirilgan sisplatindan iborat. Ikki komponentni birlashtirish sinergik ta’sirni ko‘rsatadi.
“Tadqiqotimiz davomida yaratilgan dori saraton hujayralarida to‘planib, o‘simta nurlantirilganda faollashadi. Shu bilan birga, kasal hujayralar DNKsini bog‘lab turadigan sisplatin ajraladi. Bir vaqtning o‘zida, riboflavin qonda reaktiv kislorod turlarini hosil qiladi, bu esa xavfli o‘simtalarga ham ta’sir ko‘rsatadi”, — dedi loyiha rahbari, MISiS universiteti biofizika laboratoriyasining katta ilmiy xodimi Olga Krasnovskaya.
Tadqiqotchining fikriga ko‘ra, bunday kimoterapiya bilan faol moddaning miqdori o‘simta nurlanishining samaradorligi va davomiyligi bilan nazorat qilinishi mumkin.
Hozirda olimlar dorini hayvonlarda sinab ko‘rishni boshlamoqchi.
Yangiliklar lentasi
0