Migrantlar registratsiyani onlayn olishi mumkin bo‘ladi — yangi qonun

© Sputnik / Vladimir TrefilovGosuslugi
Gosuslugi - Sputnik O‘zbekiston, 1920, 19.04.2023
Obuna bo‘lish
Rossiyada mehnat migrantlari uchun yana bir qulaylik — registratsiyani onlayn rasmiylashtirish imkoni yaratilmoqda, batafsil maqolamizda.
TOShKENT, 19 apr – Sputnik. Yaqin kelajakda Rossiyada vaqtincha yashayotgan xorijiy davlat fuqarolari registratsiyani onlayn olishi mumkin bo‘ladi. Rossiya Davlat Dumasi buni nazarda tutuvchi qonun loyihasini bugun uchinchi o‘qishda qabul qildi.
Migratsiya haqidagi qonunga kiritilayotgan o‘zgarishlarga muvofiq registratsiyani onlayn rasmiylashtirish quyidagi bosqichlardan iborat bo‘ladi:
1.
Xorijiy fuqaro “Gosuslugi” portalida shaxsiy kabinet ochadi
2.
Portal orqali registratsiya blankini to‘ldiradi
3.
Uy egasi bo‘lgan Rossiya fuqarosi uni tasdiqlaydi (onlayn)
4.
Hujjat IIV Migratsiya bo‘limiga yuboriladi (onlayn)

Yangi qonun qabul qilinganidan so‘ng migrantlardan registratsiya blankining originali talab etilmaydi. Uning nusxasini olib yurish kifoya bo‘ladi.

Migratsiya haqidagi qonunga o‘zgarishlar kiritish haqidagi qonun Rossiya prezidenti Vladimir Putin imzolanganidan so‘ng 180 kun o‘tib kuchga kiradi.
Ma’lumot uchun, Rossiya Federatsiyasining migratsiya to‘g‘risidagi qonunchiligi so‘nggi yillarda bosqichma-bosqich yengillashtirib kelinmoqda. Xususan, 2022-yilda mehnat migrantlariga Rossiya hududini tark etmasdan turib "kelishdan maqsadi"ni o‘zgartirishga imkon berildi. 2023-yil boshidan boshlab esa mehnat migrantlari va uning oila a’zolariga Majburiy tibbiyot sug‘urtasi (OMS) olish imkoni paydo bo‘ldi.
Shuningdek, Rossiya IIV 2023-yilning mart oyida mehnat migrantlariga ishlashga ruxsat beruvchi hujjat - patentning amal qilish muddatini 1-yildan 3-yilgacha uzaytirish haqida qonun ishlab chiqayotganini ham ma’lum qilgan edi.
Yangiliklar lentasi
0