O‘zbekistonning eng yirik jome masjidlari — maftunkor suratlar
O‘zbekistonning eng yirik jome masjidlari — maftunkor suratlar
Sputnik O‘zbekiston
Islomobod jome masjidi. Toshkent shahrida joylashgan. O‘zbekistondagi eng yirik jome masjidi bo‘lib, har biri 63 metrdan 4 minoradan tashkil topgan. Masjid 2023-yilning 22-mart sanasidan rasmiy ravishda ishga tushdi.
Sputnik muxbiri O‘zbekistonda aholiga xizmat ko‘rsatayotgan eng yirik jome masjidlari haqida ma’lumot to‘pladi.Ramazon Hayitining aniq sanasi ma’lum bo‘lishi bilan uni Telegram- kanalimizda e’lon qilamiz. Obuna bo‘ling va yangiliklarni kuzatib boring.O‘zbekistonda bugunga kunda jami 2119 ta masjid faoliyat yuritmoqda. Bu bir vaqtning o‘zida jami 1 000 000 ga yaqin kishini namoz o‘qishi uchun sharoit yaratadi.Maqola O‘zbekiston Musulmonlar idorasi ma’lumotlari asosida tayyorlandi. Rasmlar idora arxividan olingan.
Jome masjidlari – yuzlab yillardan beri musulmonlarning ibodat maskanlari, qayg‘uli va xursandchilik onlarini jamoatchilik bilan birga o‘tkazish, yoshlarga nasihat va ilm berish manzillari sifatida xizmat qilib kelmoqda.
Sputnik muxbiri O‘zbekistonda aholiga xizmat ko‘rsatayotgan eng yirik jome masjidlari haqida ma’lumot to‘pladi.
Islomobod jome masjidi. Toshkent shahrida joylashgan. O‘zbekistondagi eng yirik jome masjidi bo‘lib, har biri 63 metrdan 4 minoradan tashkil topgan. Masjid 2023-yilning 22-mart sanasidan rasmiy ravishda ishga tushdi.
Islomobod masjidi xonaqohi 8000 ming kishi namoz o‘qishi uchun mo‘ljallangan. Tahoratxonasi 150 o‘rinli, bino ichida ma’muriyat, kutubxona va shu kabi zarur xonalar ham mavjud.
Samarqand viloyatidagi eng yirik masjid bo‘lib, 2021-yilda rasman ochilish marosimi bo‘lib o‘tgan. Bino 1,06 gektar maydonda bunyod etilgan. U ikki qavatdan iborat bo‘lib, qariyb 10 mingga yaqin namozxonni sig‘dira oladi.
Urgut jome masjidi xonaqohi 55x45 m o‘lchamda qurilgan bo‘lib, xonaqohning ikki chetida 18x45 metr o‘lchamda ayvon ham tushgan. Masjid binosining ichi an’anaviy naqshlar bilan bezatilgan.
Urgut jome masjidi xonaqohi o‘rtasidagi gumbazning balandligi 36 m, masjid chetida joylashgan to‘rtta minoraning har biri 40 m dan balandroq qilib qurilgan.
Minor jome masjidi, Toshkent shahri. O‘zbekistonning ko‘rkam va oppoq naqshinlardan iborat yirik masjidi. 2014-yilda rasman ochilgan. Xonaqohning umumiy maydoni 1326 m.kv ni tashkil etadi. Masjid 7000 dan ortiq namozxonga mo‘ljallangan. Umumiy maydoni 4.5 gektarni tashkil etadi.
“Minor” arabcha “manor” so‘zidan olingan bo‘lib, “mayoq”, “balandlik” degan ma’nolarni bildiradi. Masjid minorasining balandligi 45 m, moviy gumbaz 34 m balandlikda joylashgan.
Yusufxon o‘g‘li Qosimxon, Namangan shahri. 2021 yilda ochilgan, hududi 1.8 gektar, xonaqoh 2000 m.kv.ni tashkil qiladi. Masjid zamonaviy HI-TECH uslubida qurilgan, ichki sig‘imi 4,5 ming o‘rinli, tashqi hovliga esa 9 ming odam joylashadi. Masjid minoralari balandligi 45 m, gumbazi balandligi 36 m, aylanasi 24metr.
Devonaboy jome masjidi, Andijon shahri. Dastlab 1899-yilda qurilgan va 1944-yilda esa qaytadan ochilgan. Masjidning baland, naqshinkor minoralari, zamonaviy va sharq me’morchiligi uyg‘unlashtirilgan loyiha asosida qad rostlagan.
Hazrati Imom majmuasi, Toshkent shahri. Aholi orasida Xast Imom nomi bilan mashhur masjid va madrasa. Unda Tillashayx masjidi, Abu Bakr Kaffol Shoshiy maqbarasi, Baroqxon madrasasi va Imom al-Buxoriy Islom instituti joylashgan.
Hazrati Imom masjidi balandligi 52 m, xonaqohda 3000 ming kishi, ayvon bilan qo‘shib hisoblansa, 5000 kishi namoz o‘qishi uchun mo‘ljallangan. Xonaqohning uzunligi 77 m, eni esa 22 m, mehrobi bilan qo‘shib hisoblansa, 24 m keladi.
Kalon masjidi, Buxoro. Qutayba ibn Muslim tomonidan VIII asrda qurilgan, 1997-yilda ta’mirlanib ishga tushgan. Masjidi Kalonning tashqi 7 eshigi bo‘lib, asosiy sharqiy darvoza oldida va ichida keng ayvonlar joylashgan.
Masjid to‘g‘ri to‘rtburchak tarhli (127×78 m), keng hovli atrofini gumbazli bostirma ayvon egallagan. 188 qubba (gumbazcha) 208 ustunga tayangan. Hovlining to‘rt tomoni markazida naqshinkor peshtoqlar bor. Masjid 3000 namozxonga mo‘ljallangan.
Hakim Termiziy masjidi 2250 nafardan ortiq namozxonga mo‘ljallangan. Masjidning ikki yonida har biri 41,5 metr bo‘lgan ikkita minora, balandligi 22 metr bo‘lgan salobatli gumbaz qad rostlagan.
Imom eshon Muhammad, Qoraqalpog‘iston respublikasi, Nukus shahri. Imom eshon Muhammad jome masjidi 2017-yilda ishga tushgan, 2000 ga yaqin namozxonga mo‘ljallangan. masjid yonida 128 o‘rinli imom-xatiblar malakasini oshirish o‘quv markazi tashkil etilib, zamonaviy jihozlar bilan ta’minlandi.
Masjidning nomi qoraqalpoq millatiga mansub diniy ulamo, Naqshbandiya tariqatining eng obro‘li shayxlaridan biri Imom Muhammad eshon Qayipnazar biy o‘g‘li xotirasiga berilgan.
Hazrati Alisher Navoiy masjidi, Navoiy shahri. Masjidining ochilish marosimi 2006-yilda bo‘lib o‘tgan. Umumiy maydoni 1,26 ga yerni egallagan. Bir vaqtning o‘zida 2000 kishini sig‘dira oladi.
Masjid balandligi 31 m, binoning ichi (20 m) va tashqi hududi bilan 30 m bo‘lib, tashqi tarafidagi ayvon 5 m. Ikkinchi qavat ham ichki tomondan ayvonli bo‘lib, uning ham eniga uzunligi 5 m ni tashkil etadi. Masjid xududida favvora va hovuz qurilgan.
O‘zbekistonda bugunga kunda jami 2119 ta masjid faoliyat yuritmoqda. Bu bir vaqtning o‘zida jami 1 000 000 ga yaqin kishini namoz o‘qishi uchun sharoit yaratadi.
Maqola O‘zbekiston Musulmonlar idorasi ma’lumotlari asosida tayyorlandi. Rasmlar idora arxividan olingan.
