O‘zbekistonda oziq-ovqat mahsulotlari narxi arzonlashmoqda

© Sputnik/Zafar XalilovMirabadskiy rinok
Mirabadskiy rinok - Sputnik O‘zbekiston, 1920, 10.04.2023
Obuna bo‘lish
Investitsiyalar, sanoat va savdo vazirligi prezident farmoni bilan boj to‘lovidan ozod qilingan oziq-ovqat mahsulotlari narxi arzonlashganini ma’lum qildi.
TOShKENT, 10 apr — Sputnik. O‘zbekistonda oziq-ovqat mahsulotlari narxi arzonlashmoqda, deb xabar bermoqda Investitsiyalar, sanoat va savdo vazirligi matbuot xizmati.
Xalqaro biznes markazida qator vazirlik va idoralar rahbarlari, yirik importorlar, ulgurji va chakana savdo tarmoqlari egalari, O‘zbekistonning taniqli tadbirkorlari ishtirokida davra suhbati bo‘lib o‘tdi. Unda prezidentning 2023-yil 23-martdagi “Iste’mol bozorlarida narxlar barqarorligini ta’minlashga doir qo‘shimcha chora-tadbirlar to‘g‘risida”gi farmoni muhokama qilindi.
Bu farmon bilan 36 turdagi oziq-ovqat mahsulotlarini import qilishga 2024-yilgacha (yana 2 tasi – 2023-yil 1-sentabrgacha) bojxona bojining nol stavkasi joriy etiladi.
Tahlillarga ko‘ra, nol stavkalar joriy etilgandan keyingi dastlabki 10 kun davomida (ya’ni joriy yil 4-aprel holatiga) bojxona imtiyozlari asosida import qilingan 36 turdagi tovarlarning 24 turi bo‘yicha ulgurji narxlarning pasayishi kuzatildi.
“Ayniqsa xurmo – 16 foiz, olma, behi va nok – 42 foiz, konservalangan baliqlar – 50 foiz, mineral suvlar – 40 foiz, oq shokolad yoki tarkibida kakao bo‘lmagan konfetlar – 24 foizga arzonlashdi”, - deyilgan xabarda.
Mutaxassislarning taxminlariga ko‘ra, narxlarning pasayishi chakana savdoda ham kuzatiladi.
Tuzilgan ichki guruh ichki bozordagi narxlar o‘zgarishi dinamikasini monitoring qiladi va ularni barqarorlashtirish chora-tadbirlarini ishlab chiqadi.
Yangiliklar lentasi
0