Toshkentda “Raxmaninov bahori” festivali boshlanmoqda - dastur

© Russkiy domKonsert
Konsert  - Sputnik O‘zbekiston, 1920, 01.04.2023
Obuna bo‘lish
Tadbir dasturidan konsertlar, opera va ilmiy anjuman, mahorat darsi va boshqa ko‘plab tadbirlar joy olgan.
TOShKENT, 1 apr — Sputnik. Bugun poytaxtda “Raxmaninov bahori” xalqaro musiqa festivali boshlanmoqda, deb xabar berdi Russkiy dom.
Festivalda ishtirok etish uchun Rossiya, Buyuk Britaniya, Germaniya, Shveysariyadan taniqli musiqachilar taklif etilgan.
O‘zbekiston davlat konservatoriyasi rektori Kamoliddin O‘rinboyevning so‘zlariga ko‘ra, ochilish marosimida Sergey Raxmaninovning re-minordagi birinchi simfoniyasi ijro etiladi.
Festival O‘zbekiston davlat konservatoriyasida 15-aprelga qadar davom etadi.
Festival doirasida deyarli har kuni turli musiqiy tadbirlar bo‘lib o‘tadi:
1 aprel – O‘zbekiston davlat konservatoriyasining katta zalida festivalning ochilishi;
3 aprel – pianino duetlari konserti;
4 aprel – pianino konsertlari oqshomi;
5 aprel – Sergey Raxmaninovga musiqiy taklif;
6 aprel – kamer musiqasi konserti;
7 aprel – simfonik musiqa konserti;
8 aprel – vokal musiqa kechasi.
10 aprel – “Toshkentda Raxmaninov bahori” xalqaro ilmiy-amaliy konferensiyasi;
11 aprel – Rossiya Fanlar akademiyasi professori Elena Babicheva ishtirokida mahorat darsi. Simfonik musiqa konserti.
12 aprel – Sergey Raxmaninovning pianino asarini eng yaxshi ijro etish uchun tanlov.
13 aprel – kamer musiqasi konsertlari.
14 aprel – "Aleko" operasi, pianino musiqasi konserti, vokal musiqa konserti.
15 aprel – festivalning yopilishi.
Eslatib o‘tamiz, festival rus bastakori, pianinochi va dirijor Sergey Raxmaninovning 150-yilligi sharafiga o‘tkazilmoqda.
Yangiliklar lentasi
0