FVV yaqin kunlarda kuchli zilzila bo‘lishi haqidagi xabarni rad etdi

© Fotolia / Petrovich12Seysmograf
Seysmograf - Sputnik O‘zbekiston, 1920, 23.03.2023
Obuna bo‘lish
Ijtimoiy tarmoqlarda yaqin kunlarda kuchli zilzila sodir bo‘lishi mumkinligi haqida soxta xabarlar tarqalmoqda.
TOShKENT, 23 mar — Sputnik. O‘zbekiston Favqulodda vaziyatlar vazirligi ijtimoiy tarmoqlarda yaqin kunlarda kuchli zilzila sodir bo‘lishi mumkinligi haqida tarqalgan soxta xabarlarga munosabat bildirdi.
Vazirlik fuqarolarni bunday yolg‘on xabarlarga ishonmaslikka chaqirgan.
“Yana bir bor ta’kidlaymizki, bugungi kunda dunyoning hech bir davlatida zilzila sodir bo‘ladigan sana va hatto taxminiy vaqtni bashorat qila oladigan texnologiyalar mavjud emas. O‘zbekiston seysmik faol zonada joylashgani sababli ba’zida yer silkinishlari sodir bo‘ladi. Har doim shunday bo‘lgan”, - deyiladi xabarda.
Eslatib o‘tamiz, avvalroq Afg‘oniston va Tojikistonda sodir bo‘lgan zilzila kuchi O‘zbekiston hududida ham sezilgani xabar qilingan edi. O‘zbekistonning ayrim joylarida uning kuchi 5-6 ballni tashkil etgan. Mamlakat FVV zilzila oqibatida respublika hududida hech qanday ko‘ngilsiz hodisalar kuzatilmaganini ma’lum qildi.
Zilzila vaqtida qanday jon saqlash kerak - mutaxassisning uch maslahati - Sputnik O‘zbekiston, 1920, 09.02.2023
Zilzila paytida qanday jon saqlash kerak - mutaxassisning uch maslahati - video
Yangiliklar lentasi
0