Maxsus operatsiya: 17-martning asosiy xabarlari
22:24 17.03.2023 (yangilandi: 18:44 05.04.2023)
© Sputnik / Aleksey Mayshev
/ Obuna bo‘lish
Rossiya Qurolli kuchlari maxsus operatsiya maqsadlariga muvofiq Ukraina armiyasi, millatchi batalonlari, xorijiy yollanma askarlar guruhlari hamda harbiy texnikasini yo‘q qilishda davom etmoqda.
TOShKENT, 17 mar — Sputnik. Rossiya Federatsiyasi olib borayotgan maxsus harbiy operatsiyaning so‘nggi sutka davomida sodir bo‘lgan asosiy voqealari.
Mudofaa vazirligi hisoboti:
Kupansk yo‘nalishida "G‘arbiy" qo‘shinlar guruhi Xarkov viloyatining Dvurechnoe, Berestovoe va Lugansk Xalq Respublikasining Artemovka aholi punktlari hududlarida Ukraina Qurolli kuchlari bo‘linmalariga zarba berdi. Dushmanning yo‘qotishlari 40 dan ortiq harbiy xizmatchilar, zirhli jangovar mashina, ikkita mashina va 113-hududiy mudofaa brigadasining o‘q-dorilar omborini tashkil etdi.
Krasniy-Liman yo‘nalishida "Markaz" qo‘shinlari guruhi DXRning Terniy va Yampolovka aholi punktlari hududlarida kun davomida dushmanning 70 dan ortiq harbiy xizmatchilari, BMP, zirhli jangovar mashina, uchta pikap, bir yengil avtomobil va D-30 gaubitsasini yo‘q qilindi.
Donesk yo‘nalishida "Janubiy" qo‘shinlar guruhi bo‘linmalarining faol harakati natijasida DXRning Semonovka, Petrivske va Tonenkoe aholi punktlari hududida 135 nafargacha ukrainalik harbiy xizmatchi, uchta zirhli jangovar mashina, to‘rtta pikap, bitta yengil avtomobil, bir jangovar avtomobil, "Grad" reaktiv tizimi, D-30 gaubitsasi, shuningdek, UQKning 53-mexanizatsiyalashgan brigadasi o‘q-dorilar ombori yo‘q qilindi.
Janubiy Donesk va Zaporojye yo‘nalishlarida "Vostok" qo‘shinlari guruhi DXRNing Ugledar va Novomixaylovka aholi punktlari hududlarida UQKning 65 nafar harbiy xizmatchisi, ikkita zirhli jangovar mashina, ikkita pikap, uchta yengil avtomobil va ikkita D-20 gaubitsasini yo‘q qildi.
Xerson yo‘nalishida 25 tagacha ukrainalik harbiy xizmatchi, ikkita zirhli jangovar mashina, o‘nta texnika, "Grad" reaktiv tizimi jangovar mashinasi va "Akatsiya" o‘ziyurar artilleriya majmuasi yo‘q qilindi.
Rossiya aviatsiya, raketa kuchlari va artilleriyasi UQKning 112ta hududda joylashgan 82 ta artilleriya bo‘linmalariga zarba berdi.
Xarkov viloyatining Mirnoe qishlog‘i hududida UQKning past uchuvchi havo nishonlarini aniqlash radar stansiyasi pozitsiyasi aniqlandi va yo‘q qilindi.
DXRning Redkodub aholi punkti hududida AQShda ishlab chiqarilgan AT/TPQ-36 Artilleriyaga qarshi radar yo‘q qilindi.
Havo hujumidan mudofaa tizimlari bir sutkada HIMARS (AQSh) raketa tizimi va "Tochka-U" taktik raketalarining beshta raketasini tutib oldi.
Xerson viloyatining Korsunka, Golaya Pristan, LXRning Rubejnoe, Xarkov viloyatining Kotlyarovka va Olshana aholi punktlari hududlarida kun davomida Ukrainaning 14ta uchuvchisiz apparati yo‘q qilindi.
Maxsus harbiy operatsiya boshlangandan beri Ukraina jami 402 ta samolyot, 221 ta vertolot, 3448 ta uchuvchisiz uchish apparati, 414 ta zenit-raketa majmuasi, 8326 ta tank va boshqa zirhli jangovar texnikalari, 1064 ta ko‘p raketali tizimlari, 4377 ta dala artilleriya qurollari va minomotlari, shuningdek, 8985 dona maxsus harbiy mashinalaridan mahrum bo‘ldi.
