Surxondaryo viloyati hokimiga ikki yangi o‘rinbosar tayinlandi

© Sputnik / Vladimir Fedorenko / Mediabankka o‘tishMujchini v kostumax i s portfelyami
Mujchini v kostumax i s portfelyami - Sputnik O‘zbekiston, 1920, 16.03.2023
Obuna bo‘lish
Hokimga moliya-iqtisodiyot va kambag‘allikni qisqartirish masalalari bo‘yicha birinchi o‘rinbosar, qishloq va suv xo‘jaligi masalalari bo‘yicha o‘rinbosar tayinlandi.
TOShKENT, 16 mar — Sputnik. Surxondaryo viloyati hokimiga ikki yangi o‘rinbosar tayinlandi.
Viloyat hokimligi matbuot xizmati xabariga ko‘ra, Anvar Oripov hokimning moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimiga tayinlandi.
Oripov 1985-yil Termiz shahrida tug‘ilgan. 2007-yilda O‘zbekiston milliy universitetini tamomlagan, shuningdek, 2007-2010 yillarda Buyuk Britaniyaning London shahri Pimliko Akademiyasi ingliz tili kurslari tinglovchisi. Ma’lumoti bo‘yicha mutaxassisligi – iqtisodchi.
U mehnat faoliyati davomida Toshkent viloyati tashqi iqtisodiy aloqalar, investitsiyalar va savdo boshqarmasi yetakchi mutaxassisi, bosh mutaxassisi, Tashqi iqtisodiy aloqalar, investitsiyalar va savdo vazirligi bosh mutaxassisi, Surxondaryo viloyati Tashqi iqtisodiy aloqalar, investitsiyalar va savdo boshqarmasi boshlig‘i, “O‘zagroeksport” AJ boshqarma boshlig‘i, Vazirlar Mahkamasida sho‘’ba yetakchi mutaxassisi lavozimlarida mehnat qilgan.
Mazkur lavozimga tayinlangunga qadar 2018-yildan buyon Surxondaryo viloyati hokimining o‘rinbosari – viloyat investitsiyalar va tashqi savdo boshqarmasi boshlig‘i lavozimida faoliyat yuritayotgan edi.
Farhodjon Ismoilov Surxondaryo viloyati hokimining qishloq va suv xo‘jaligi masalalari bo‘yicha o‘rinbosari lavozimiga tayinlandi.
U 1970-yil Farg‘ona viloyati Quva tumanida tug‘ilgan. 1997-yilda Farg‘ona politexnika institutini, 2002-yilda Toshkent davlat yuridik instituti tamomlagan. Ma’lumoti bo‘yicha mutaxassisligi – muhandis, huquqshunos.
Ismoilov mehnat faoliyati davomida Farg‘ona shahar sudi sud ijrochisi va prokuratura organlarida turli lavozimlarda mehnat qilgan.
Mazkur lavozimga tayinlangunga qadar 2023-yildan buyon Farg‘ona viloyati prokurorining o‘rinbosari lavozimida faoliyat yuritib kelayotgan edi.
Yangiliklar lentasi
0