Qozog‘istonning O‘zbekiston bilan chegarasida elektron navbat joriy etiladi

© Sputnik / Ilya Pitalev / Mediabankka o‘tishSituatsiya na kirgizsko-kazaxskoy granitse
Situatsiya na kirgizsko-kazaxskoy granitse - Sputnik O‘zbekiston, 1920, 16.02.2023
Obuna bo‘lish
Ta’kidlanishicha, fevral oyi oxirigacha Qozog‘iston chegarasidagi yana to‘rtta nazorat-o‘tkazish punktida elektron navbat joriy etiladi.
TOShKENT, 16 fev — Sputnik. Qozog‘istonning O‘zbekiston va Turkmaniston bilan chegarasida elektron navbat joriy etiladi. Bu haqda Qozog‘iston Davlat daromadlari qo‘mitasi ma’lum qildi.
Ta’kidlanishicha, fevral oyi oxirigacha Qozog‘iston chegarasidagi yana to‘rtta nazorat-o‘tkazish punktida elektron navbat joriy etiladi.
Xizmatning vazifasi shundaki, tashuvchilar navbatni oldindan bron qilishlari mumkin bo‘ladi. Bu yuk mashinalarining chegaradan o‘tish jarayonini tezlashtiradi. Tizim ariza beruvchining soliqdan qarzi borligi, pullik yo‘llar uchun haq to‘lash, avtomobil va tirkamani ro‘yxatdan o‘tkazish va hokazolarni tekshiradi.
“To‘rtta nazorat-o‘tkazish punktidan ikkitasi Xitoy bilan chegarada joylashgan – “Baxti” va “Maykapchag‘ay”. Xizmat “Baxti”da 15-fevraldan, “Maykapchag‘ay”da 20-fevraldan ishlay boshlaydi. Avvalroq, Qozog‘iston-Xitoy chegarasida “Dostik” va “Nur-Joli” nazorat-o‘tkazish punktlarida elektron navbat joriy etilgandi. Qolgan ikkita nazorat-o‘tkazish punkti Mang‘istau viloyatida joylashgan. Bular “Temir-Baba” – 22-fevraldan va “Tajen” – 27-fevraldan. Birinchisi Turkmaniston bilan chegarada, ikkinchisi O‘zbekiston bilan”, - deyiladi xabarda.
Ta’kidlanishicha, tizimda 7,5 mingga yaqin foydalanuvchi ro‘yxatdan o‘tgan bo‘lib, ular 84 ming navbatni bron qilish amaliyotini amalga oshirgan.
Yangiliklar lentasi
0