Toshkentda dzudo bo‘yicha o‘smirlar o‘rtasidagi mamlakat chempionati qanday bo‘lib o‘tdi

© Federatsiya dzudo UzbekistanaChempionat Uzbekistana sredi yuniorov
Chempionat Uzbekistana sredi yuniorov - Sputnik O‘zbekiston, 1920, 06.02.2023
Obuna bo‘lish
Uch kun davom etgan musobaqalarda 100 nafarga yaqin sportchilar bellashishdi.
TOShKENT, 6 fev — Sputnik. Toshkentdagi “Universal” sport saroyida dzudo bo‘yicha O‘zbekiston chempionati bo‘lib o‘tdi. Musobaqalarda 2006-2007 yillarda tug‘ilgan o‘smir dzudochilar ishtirok etishdi.
Qizlar va o‘g‘il bolalar 40-90 kg vazn toifalarida tatamiga chiqishdi. Uch kun davom etgan musobaqalarda 500 nafarga yaqin sportchilar medal uchun qizg‘in kurash olib borishdi.
-70 kg vazn toifasida oltin medalga sazovor bo‘lgan Mushtariybegim Abzalova kelajakdagi rejalari bilan o‘rtoqlashdi.
“70 kg vazn toifasida faxrli birinchi o‘rinni egalladim. Osiyo chempionati, Jahon chempionati, Osiyo kubogida qatnashish niyatim bor edi. Xudo xohlasa, endi Jahon chempionatida ham birinchi o‘rinni egallayman”, - dedi sportchi Sputnik muxbiri bilan suhbatda.
Murosasiz kechgan bellashuvlar yakuniga ko‘ra Buxoro jamoasi dzudochilari 4 ta oltin, 3 ta kumush, 3 ta bronza medali bilan umumjamoa hisobida birinchi o‘rinni egallashdi.
Samarqand jamoasi 3 ta oltin, 2 ta kumush, 2 ta bronza medali bilan ikkinchi o‘rinni band etdi. Kuchli uchlikka 2 ta oltin, 2 ta kumush, 9 ta bronza medali bilan Xorazm viloyati terma jamoasi yakun yasab berdi.
Yangiliklar lentasi
0