O‘zbekistonda BAA bilan hamkorlikda zamonaviy oqova suv tozalash inshootlari quriladi

© Sputnik / Pavel Bednyakov / Mediabankka o‘tishMaket stansii ochistki stochnix vod na stende "Rotek"
Maket stansii ochistki stochnix vod na stende Rotek  - Sputnik O‘zbekiston, 1920, 21.01.2023
Obuna bo‘lish
Tabiat resurslari vazirligi BAA kompaniyasi bilan Surum oqova suv tozalash inshootini qurish bo‘yicha amalga oshiriladigan loyiha doirasida ishlab chiqiladigan texnik-iqtisodiy asoslar muhokama qilib oldi.
TOShKENT, 21 yanv — Sputnik. O‘zbekistonda BAA bilan hamkorlikda zamonaviy oqova suv tozalash inshootlari quriladi. Bu haqda Tabiat resurslari vazirligi xabar berdi.
Vazirlikda Birlashgan Arab Amirliklarining “Abu Dhabi Sewerage Services” kompaniyasining loyihalash boshqarmasi va maslahat kengashi vakillari bilan uchrashuv bo‘lib o‘tdi.
Unda Surum oqova suv tozalash inshootini qurish bo‘yicha amalga oshiriladigan loyiha doirasida ishlab chiqiladigan texnik-iqtisodiy asoslar muhokama qilindi.
Qayd etilishicha, hozirda Toshkentdagi Bektemir va Salar oqova suv tozalash inshootlarini poytaxtdan tashqariga ko‘chirish ishlari olib borilmoqda.
Shuningdek, Toshkent viloyati Quyichirchiq tumanida yangi zamonaviy oqova tozalash stansiyasini qurish, Bektemir, Sergeli, Yakkasaroy, Yangihayot tumanlari aholisi va sanoat korxonalaridan hosil bo‘layotgan oqova suvlarni tozalash, oqova tarmoqlari xizmati bilan qamrash uchun oqova suv tarmoqlari qurilishi bo‘yicha loyiha amalga oshirilmoqda.
“Endilikda O‘zbekiston BAA kompaniyasining suv standartlarini aniqlashda texnik tadqiqotlar o‘tkazish va oqova suvlarni tozalash meyorlari bo‘yicha qo‘llanib kelinayotgan boy tajribasidan foydalanadi”, deyiladi xabarda.
Uchrashuvda bu borada hamkorlikda loyihalarni amalga oshirishga kelishib olindi.
Eslatib o‘tamiz, o‘tgan yili “O‘zsuvta’minot” va BAA kompaniyasi o‘rtasida o‘zaro hamkorlik to‘g‘risida memorandum imzolangan edi. Memarandum Toshkent shahrining oqova suv tizimini yaxshilash loyihasini amalga oshirish ko‘zda tutadi.
Loyiha doirasida Toshkent viloyatining Quyichirchiq tumani "Surum" MFY hududida kunlik quvvati 1 million metr kubdan ziyod bo‘lgan zamonaviy oqova suv tozalash inshooti quriladi.
Yangi oqova suv inshootining birinchi bosqichi yakunlanganidan so‘ng Sergeli, Bektemir va Yangihayot tumanlaridagi 400 mingdan ortiq aholi, korxona va tashkilotlar markazlashgan oqova suv xizmati bilan qamrab olinadi.
Yangiliklar lentasi
0