O‘zbekistonga kelasi yil 7 mln sayyoh kelishi kutilmoqda

© Sputnik / Sergey Patakov / Mediabankka o‘tishTuristi na odnoy iz ulis Buxari.
Turisti na odnoy iz ulis Buxari. - Sputnik O‘zbekiston, 1920, 24.12.2022
Obuna bo‘lish
Mehmonxonalarda xizmat ko‘rsatish sifatini oshirishda Rossiya, Chexiya, Turkiya, BAA, Yevropa mamlakatlari bilan hamkorlik yanada kengaytiriladi.
TOShKENT, 24 dek — Sputnik. O‘zbekistonga 2023-yilda 7 mln nafar xorijiy sayyoh kelishi kutilmoqda. Bu haqda bugun Toshkentdagi "Wyndham" mehmonxonasida O‘zbekiston mehmonxonalar uyushmasi tashkillashtirgan biznes hamkorlar nonushtasida aytib o‘tildi, deb xabar bermoqda Sputnik muxbiri.
Unda yil sarhisobi hamda 2023-yil rejalari haqida so‘z bordi. Bosh vazir o‘rinbosari Aziz Abduhakimov sayyohlar havo transporti logistikasida muammoga duch kelishi kerak emasligini ta’kidladi.

“O‘zbekistonning turizm salohiyati kundan kunga ortib bormoqda. Ayniqsa, O‘zbekiston havo yo‘llari sohasida yangilanishlar va top-parvozlar uyushtirish lozim. Xorijiy sayyohlar havo yo‘llari logistikasida umuman muammoga duch kelmasligi lozim”, - dedi Abduhakimov.

2022 yilda 4,7 mln nafar sayyoh kelgan bo‘lsa, kelgusi yilda 7 mln nafar xorijiy turist kelishi va mahalliy sayyohlar soni 12 mln nafarga yetishi kutilmoqda.
Qayd etilishicha, uyushma tomonidan mehmonxonalarda xizmat ko‘rsatish sifatini oshirishda qator davlatlar, xususan, Rossiya bilan hamkorlik yanada kengaytiriladi.
Ma’lumot uchun, 2022-yilning yanvar-sentabr oylarida 3,6 mln nafar chet el fuqarolari turistik maqsadlarda O‘zbekistonga tashrif buyurgan. Bu ko‘rsatkich o‘tgan yilning mos davri bilan solishtirilganda 2,5 mln nafarga yoki 3,2 baravarga oshgan.
Yangiliklar lentasi
0