Maxsus operatsiya: 16-dekabrning asosiy xabarlari
20:20 16.12.2022 (yangilandi: 18:42 05.04.2023)
© Sputnik / Konstantin Mixalchevskiy
/ Obuna bo‘lish
Maxsus operatsiya hududida faol janglar soni kamayib asosiy pozitsion harbiy harakatlar amalga oshirilmoqda. UQKning kam sonli hujum va razvedka-diversion urinishlari muvaffaqiyatli qaytarilmoqda.
TOShKENT, 16 dek - Sputnik. Rossiya Federatsiyasi Donbassda olib borayotgan maxsus operatsiyaning o‘tgan sutka davomida sodir bo‘lgan eng muhim voqealari.
Rossiya Mudofaa vazirligi bayonoti:
Kupansk yo‘nalishida, Xarkov viloyatining Berestovoe va Kislovka aholi punktlari hududlarida Ukraina QK o‘qqa tutildi, 20 nafargacha ukrainalik harbiy xizmatchi, ikkita zirhli jangovar mashina va uchta pikap yo‘q qilindi.
Krasno-Limanskiy yo‘nalishida o‘tkazilgan hujum va artilleriya zarbalari natijasida 50 dan ortiq ukrainalik harbiy xizmatchi, ikkita BMP va uchta pikap yo‘q qilindi.
DXRning Terniy va LXRning Chervonaya Dibrova aholi punktlari hududlarida Ukraina Qurolli kuchlarining uchta diversion-razvedka guruhi aniqlandi va yo‘q qilindi.
Donesk yo‘nalishida rus qo‘shinlari dushmanni o‘z pozitsiyalaridan siqib chiqarib, hujum operatsiyalarini davom ettirdilar. DXRNing Artemovsk va Shumi, shuningdek, LXRning Belogorovka aholi punktlari hududlarida dushmanning uchta qarshi hujumi qaytarildi. Ukraina askarlari o‘z pozitsiyalariga qaytarildi. Dushman yo‘qotishlari 40 dan ortiq harbiy xizmatchi, uchta zirhli jangovar mashina va ikkita avtomashinani tashkil etdi.
Janubiy-Donesk yo‘nalishi DXRNing Sladkoe aholi punktida UQKning mustahkamlangan rotasi hujumining oldi olindi. . DXRning Novomayorskoe va Shevchenko aholi punktlari hududlarida Ukraina Qurolli kuchlarining ikkita diversion-razvedka guruhi yo‘q qilindi. Bu yo‘nalishda kun davomida 50 nafargacha ukrainalik harbiy xizmatchi va uchta texnika yo‘q qilingan.
Xerson viloyatining Berislav shahri yaqinidagi 1-hududiy mudofaa brigadasi bo‘linmalarining qo‘mondonlik punktlariga raketa qo‘shinlari va artilleriya, Zaporojye viloyati Gulyaipole shahri yaqinidagi 102 va 108-hududiy mudofaa brigadalari, 64 ta artilleriya pozitsiyasiga zarba berildi.
Xarkovda Ukraina Qurolli kuchlarining raketa va artilleriya qurollari ombori vayron qilindi. DXRning Ray-Aleksandrovka qishlog‘i yaqinida S-300 zenit-raketa majmuasining radar stansiyasi yo‘q qilindi.
Havo hujumidan mudofaa tizimlari DXR, Xarkov viloyati, Novaya Tarasovka, Novoukrainskoe, Grafskoe va Sladkoe aholi punktlari hududlarida to‘rtta Ukraina uchuvchisiz apparatini urib tushirdi. Bundan tashqari, LXRning Pervomaysk shahri yaqinida ikkita HIMARS raketasi tutib olingan.
Maxsus harbiy operatsiya boshlangandan beri Ukrainaning jami 344 ta samolyoti, 184 ta vertoloti, 2673 ta uchuvchisiz uchish apparati, 396 ta zenit-raketa majmuasi, 7134 ta tank va boshqa zirhli jangovar texnikalari, 931 ta ko‘p raketa tizimiga ega jangovar texnika, 3689 ta maydon artilleriya qurollari va minomotlari, shuningdek, 7625 dona maxsus harbiy mashinalar yo‘q qilindi.
