Moliya vazirligi O‘zbekiston tashqi qarzi borasida to‘liq hisobot e’lon qildi

CC BY 2.0 / Chris Potter / The Pay OffAmerikanskaya valyuta v konverte
Amerikanskaya valyuta v konverte - Sputnik O‘zbekiston, 1920, 22.11.2022
Obuna bo‘lish
Moliya vazirligi O‘zbekistonning davlat qarzi 2022-yilning dastlabki olti oyida qanday o‘zgarganini ma’lum qildi.
TOShKENT, 22 noya — Sputnik. 2022-yilning birinchi yarim yilligida O‘zbekiston davlat qarzi kamaydi. Bu haqda Moliya vazirligining davlat qarzi holati va dinamikasi sharhida ko‘rsatilgan.
Xususan, joriy yilning 1-iyul holatiga davlat qarzi 26,0 mlrd. AQSh dollarini yoki YaIMning 35,1 %ni tashkil etdi. Bu 2021-yil yakuniga qaraganda 0,3 mlrd dollarga kam.
Hisobotga ko‘ra ushbu qarzning 23,3 milliardi - davlat tashqi qarzi va 2,8 milliardi - davlat ichki qarziga to‘g‘ri keladi.

Tashqi qarzining asosiy manbaalari:

Osiyo taraqqiyot banki $ 5,4 mlrd.
Jahon banki $ 4,4 mlrd.
Xalqaro investorlar $ 2,6 mlrd.
Xitoy davlat taraqqiyot banki $ 2,2 mlrd.
Yaponiya xalqaro hamkorlik agentligi $ 1,8 mlrd.
Xitoy eksimbanki $ 1,9 mlrd.
Islom taraqqiyot banki $ 0,9 mlrd.
Boshqa xalqaro moliya tashkilotlari $ 4,1 mlrd.

Olingan qarz qaysi sohalarga sarflanmoqda:

$ 6,0 mlrd - davlat budjetini qo‘llabquvvatlashga;
$ 2,7 mlrd - elektr-energetika sohasiga;
$ 3,0 mlrd - energetika sohasiga;
$ 2,5 mlrd - transport va transport infratuzilmasiga;
$ 2,4 mlrd - qishloq va suv xo‘jaligiga;
$ 2,2 mlrd - uy-joy kommunal xo‘jaligi sohasi;
$ 1,4 mlrd - tijorat banklari;
$ 1,1 mlrd - kimyo sanoati;
$ 0,8 mlrd - ta’lim va sog‘liqni saqlash;
$ 0,2 mlrd - telekommunikatsiya;
$ 1,0 mlrd - boshqa sohalar;

Tashqi qarz darajasidagi o‘zgarishlar

Moliya vazirligi hisobotida qayd etilishiga ko‘ra, O‘zbekiston tashqi qarzi miqdori YaIMga nisbatan kamayib bormoqda. Xususan 2020-yilda tashqi qarz YaIMning 39%ini tashkil etgan bo‘lsa 2022-yilning birinchi yarim yilligida - 35,1 %ni tashkil qildi.
Qayd etish joizki, O‘zbekiston iqtisodiyoti 2022-yilda barqaror ijobiy o‘sish dinamikasi namoyish etmoqda. Xususan real YaIM o‘sishi 5,4 %ni tashkil etdi.
Shuningdek, davlat nomidan va kafolati ostida imzolangan qarz bitimlari hajmi ham kamaymoqda. Masalan, 2019-yilda davlat kafolati ostida $ 8,9 mlrd.lik bitimlar imzolangan bo‘lsa, 2020-yilda $ 5,4 milliardlik, 2021-yilda esa $ 4,9 milliardlik qarz bitimlar imzolangan.
Xalqaro valyuta jamg‘armasining hisobotida ko‘rsatilishiga ko‘ra, O‘zbekiston davlat tashqi qarzi "mo‘’tadil" darajada hisoblanadi. Xalqaro baholash agentliklari (Fitch Ratings, S&P) ham O‘zbekiston iqtisodiyotini "BB-", ya’ni barqaror kutilma darajasida baholashmoqda.
Yangiliklar lentasi
0