Oila va xotin-qizlarni qo‘llab-quvvatlash jamg‘armasi qayta tashkil etildi

© SputnikPodpis dokumentov
Podpis dokumentov - Sputnik O‘zbekiston, 1920, 06.11.2022
Obuna bo‘lish
Jamg‘armaning asosiy maqsadi xotin-qizlarni har tomonlama qo‘llab-quvvatlashdan iborat.
TOShKENT, 6 noya — Sputnik. Hukumatning 4-noyabrdagi qarori bilan Xotin-qizlarni qo‘llab-quvvatlash davlat maqsadli jamg‘armasi Oila va xotin-qizlarni qo‘llab-quvvatlash jamg‘armasi sifatida qayta tashkil etildi.
Jamg‘armaning asosiy maqsadi xotin-qizlarni har tomonlama qo‘llab-quvvatlash, shu jumladan, og‘ir ijtimoiy vaziyatga tushib qolgan xotin-qizlarga moddiy yordam ko‘rsatish, oilaviy va xususiy tadbirkorlik, hunarmandchilikni tashkil etishda, mehnat bozorida talab yuqori bo‘lgan kasblar bo‘yicha bilim va ko‘nikmalarni egallashda ularga ko‘maklashish va rag‘batlantirishdan iborat.

Og‘ir ijtimoiy vaziyatga tushib qolgan xotin-qizlarga, shu jumladan, nogironligi bo‘lgan shaxslar, nogironligi bo‘lgan farzandlarini tarbiyalayotgan, kam ta’minlangan, farzandlarini to‘liqsiz oilada tarbiyalayotgan va uy-joy sharoitini yaxshilashga muhtoj xotin-qizlarga uy-joylarning boshlang‘ich badalini qaytarmaslik sharti bilan to‘lab berish ham jamg‘armaning asosiy vazifalaridan biri.

Quyidagilar jamg‘arma mablag‘larini shakllantirish manbalari hisoblanadi:
- Oila va xotin-qizlar davlat qo‘mitasining asoslangan hisob-kitoblariga muvofiq har yili 300 mlrd so‘mgacha bo‘lgan mikdorda Davlat budjetidan ajratiladigan mablag‘lar;
- vaqtincha bo‘sh turgan mablag‘larni tijorat banklari depozitlariga joylashtirish hisobidan olingan daromadlar;
- jismoniy va yuridik shaxslarning domiylik xayriyalari, xalqaro moliya institutlari va xorijiy tashkilotlarning grantlari;
- qonunchilik hujjatlarida taqiqlanmagan boshqa manbalar.
Yangiliklar lentasi
0