https://oz.sputniknews.uz/20221103/issiqxona-xojaliklari-uchun-kreditlarni-qaytarish-muddati-uzaytiriladi-29686436.html
Issiqxona xo‘jaliklari uchun kreditlarni qaytarish muddati uzaytiriladi
Issiqxona xo‘jaliklari uchun kreditlarni qaytarish muddati uzaytiriladi
Sputnik O‘zbekiston
Prezident Shavkat Mirziyoyev issiqxona xo‘jaliklarini qo‘llab-quvvatlashga qaratilgan qo‘shimcha chora-tadbirlar taqdimoti bilan tanishdi - tafsilotlar. 03.11.2022, Sputnik O‘zbekiston
2022-11-03T07:53+0500
2022-11-03T07:53+0500
2022-11-03T09:10+0500
tadbirkor
kredit
iqtisod
https://cdn1.img.sputniknews.uz/img/07e6/0b/03/29686607_0:66:1280:786_1920x0_80_0_0_01d6cbf95ab133f1ca4c5df8b49ec926.jpg
TOShKENT, 3 noya — Sputnik. Issiqxona xo‘jaliklari va muzlatkichli omborxonalar uchun xalqaro moliya institutlari va davlat maqsadli jamg‘armalaridan ajratilgan kreditlarni qaytarish muddati 7-yildan 14-yilga hamda imtiyozli davri 3-yildan 5-yilga uzaytiriladi. Bu haqida prezident Shavkat Mirziyoyev ishtirokida o‘tkazilgan issiqxona xo‘jaliklarini qo‘llab-quvvatlashga qaratilgan taqdimotda ma’lum qilindi.Qayd etilishicha, so‘nggi paytlarda tashqi bozorlardagi cheklovlar va transport logistikasidagi uzilishlar mazkur tarmoqqa ham salbiy ta’sir ko‘rsatmoqda.Xususan, aksariyat issiqxonalar biznes-rejasida 1 tonna mahsulot tannarxi o‘rtacha 600 dollar deb hisob-kitob qilingan bo‘lsa, 2020-yilda tannarx 900 dollarni va 2021-yilda 1 ming 200 dollarni tashkil etgan. Ayrim issiqxona xo‘jaliklarida kredit, soliq, tabiiy gaz va elektr energiyasi to‘lovlari bo‘yicha qarzdorlik yuzaga kelgan.Shu bois, prezident topshirig‘iga ko‘ra, sohadagi muammolar o‘rganildi va tadbirkorlarning takliflari eshitildi. Ular asosida, issiqxonada mahsulot yetishtirish va uni sotishning yangi mexanizmi ishlab chiqildi.Unga ko‘ra, Bog‘dorchilik va issiqxona xo‘jaligini rivojlantirish agentligi issiqxonalarga urug‘, ko‘chat, mineral o‘g‘it va boshqa moddiy resurslarni yetkazib beradi, mahsulotni sotib olib, eksport qiladi.Karantin va o‘simliklar himoyasi agentligi ko‘chatlarni parvarishlash bo‘yicha xizmatlar ko‘rsatadi.Shu bilan birga, moliyaviy yengilliklar ham belgilanmoqda.Eksportbop mahsulot yetishtirishni rag‘batlantirish maqsadida xorijiy valyutadagi bank kreditlarini yillik 4 foiz stavkada ajratish mo‘ljallanmoqda.Sanoat tipidagi zamonaviy issiqxona va logistika markazlarini tashkil etish uchun yaxlit maydonlar ochiq auksion savdolariga chiqarilishi belgilanmoqda.Davlat rahbari bu chora-tadbirlarni ma’qulladi. Meva-sabzavotlarni saqlash, saralash va qadoqlash imkoniyatiga ega bo‘lgan savdo majmualari tashkil etish, yangi issiqxonalar uchun suv va elektr tarmoqlarini tortish bo‘yicha ko‘rsatmalar berildi.Ma’lumot uchun, hozirgi kunda mamlakatda 3 mingdan ortiq issiqxona bor. Ularning jami maydoni 6 ming 300 gektardan ziyod bo‘lib, shundan 4 ming 300 gektari so‘nggi besh yilda tashkil etilgan. Oziq-ovqatlarning uzluksizligini va eksportini ta’minlayotgan ko‘p mahsulotlar shu majmualarda yetishtirilmoqda.
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2022
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
tadbirkor, kredit, iqtisod
tadbirkor, kredit, iqtisod
Issiqxona xo‘jaliklari uchun kreditlarni qaytarish muddati uzaytiriladi
07:53 03.11.2022 (yangilandi: 09:10 03.11.2022) Prezident Shavkat Mirziyoyev issiqxona xo‘jaliklarini qo‘llab-quvvatlashga qaratilgan qo‘shimcha chora-tadbirlar taqdimoti bilan tanishdi - tafsilotlar.
TOShKENT, 3 noya — Sputnik. Issiqxona xo‘jaliklari va muzlatkichli omborxonalar uchun xalqaro moliya institutlari va davlat maqsadli jamg‘armalaridan ajratilgan kreditlarni qaytarish muddati 7-yildan 14-yilga hamda imtiyozli davri 3-yildan 5-yilga uzaytiriladi. Bu haqida prezident Shavkat Mirziyoyev ishtirokida o‘tkazilgan issiqxona xo‘jaliklarini qo‘llab-quvvatlashga qaratilgan taqdimotda ma’lum
qilindi. Qayd etilishicha, so‘nggi paytlarda tashqi bozorlardagi cheklovlar va transport logistikasidagi uzilishlar mazkur tarmoqqa ham salbiy ta’sir ko‘rsatmoqda.
Xususan, aksariyat issiqxonalar biznes-rejasida 1 tonna mahsulot tannarxi o‘rtacha 600 dollar deb hisob-kitob qilingan bo‘lsa, 2020-yilda tannarx 900 dollarni va 2021-yilda 1 ming 200 dollarni tashkil etgan. Ayrim issiqxona xo‘jaliklarida kredit, soliq, tabiiy gaz va elektr energiyasi to‘lovlari bo‘yicha qarzdorlik yuzaga kelgan.
Shu bois, prezident topshirig‘iga ko‘ra, sohadagi muammolar o‘rganildi va tadbirkorlarning takliflari eshitildi. Ular asosida, issiqxonada mahsulot yetishtirish va uni sotishning yangi mexanizmi ishlab chiqildi.
Unga ko‘ra, Bog‘dorchilik va issiqxona xo‘jaligini rivojlantirish agentligi issiqxonalarga urug‘, ko‘chat, mineral o‘g‘it va boshqa moddiy resurslarni yetkazib beradi, mahsulotni sotib olib, eksport qiladi.
Karantin va o‘simliklar himoyasi agentligi ko‘chatlarni parvarishlash bo‘yicha xizmatlar ko‘rsatadi.
Shu bilan birga, moliyaviy yengilliklar ham belgilanmoqda.
Bunda issiqxona xo‘jaliklari va muzlatkichli omborxonalar uchun ajratilgan kreditlarni qaytarish muddati uzaytirilishi nazarda tutilmoqda. Kreditlarni qaytarish muddatlari hosilni yig‘ib olish va sotish muddatlariga moslashtiriladi.
Eksportbop mahsulot yetishtirishni rag‘batlantirish maqsadida xorijiy valyutadagi bank kreditlarini yillik 4 foiz stavkada ajratish mo‘ljallanmoqda.
Sanoat tipidagi zamonaviy issiqxona va logistika markazlarini tashkil etish uchun yaxlit maydonlar ochiq auksion savdolariga chiqarilishi belgilanmoqda.
Davlat rahbari bu chora-tadbirlarni ma’qulladi. Meva-sabzavotlarni saqlash, saralash va qadoqlash imkoniyatiga ega bo‘lgan savdo majmualari tashkil etish, yangi issiqxonalar uchun suv va elektr tarmoqlarini tortish bo‘yicha ko‘rsatmalar berildi.
Ma’lumot uchun, hozirgi kunda mamlakatda 3 mingdan ortiq issiqxona bor. Ularning jami maydoni 6 ming 300 gektardan ziyod bo‘lib, shundan 4 ming 300 gektari so‘nggi besh yilda tashkil etilgan. Oziq-ovqatlarning uzluksizligini va eksportini ta’minlayotgan ko‘p mahsulotlar shu majmualarda yetishtirilmoqda.
