Mirziyoyev va Raisiy qaysi masalalarni muhokama qildi

© Press-slujba prezidenta UzbekistanaPeregovori prezidenta Uzbekistana Shavkata Mirziyoyeva i prezidenta Irana Ibraxima Raisi
Peregovori prezidenta Uzbekistana Shavkata Mirziyoyeva i prezidenta Irana Ibraxima Raisi - Sputnik O‘zbekiston, 1920, 14.09.2022
Obuna bo‘lish
O‘zbekiston va Eron yaqin istiqbolda tovar ayirboshlashni 1 milliard dollarga yetkazishni rejalashtirmoqda.
TOShKENT, 14 sen — Sputnik. Samarqanddagi Kongress markazida O‘zbekiston prezidenti Shavkat Mirziyoyev va rasmiy tashrif bilan mamlakatda bo‘lib turgan Eron Islom Respublikasi prezidenti Ibrohim Raisiyning uchrashuvi bo‘lib o‘tdi.
Muzokaralarda prezidentlar ikki tomonlama aloqalarni mustahkamlash, siyosiy, savdo-iqtisodiy, investitsiyaviy, transport-logistika va madaniy-gumanitar sohalarda amaliy hamkorlikni kengaytirish masalalarini muhokama qildilar.
Savdo va transport sohalaridagi sheriklikka, ikki mamlakat hududlari o‘rtasidagi hamkorlikka alohida e’tibor qaratildi.
Ikki tomonlama savdoni yanada ko‘paytirish, yaqin istiqbolda tovar ayirboshlashni 1 milliard dollarga yetkazish uchun keng imkoniyatlar borligi qayd etildi.
Ta’kidlanishicha, shu maqsadda tegishli “yo‘l xarita”si ishlab chiqiladi. Bundan tashqari, imtiyozli savdo to‘g‘risida bitim imzolash ko‘zda tutilgan.
Qishloq xo‘jaligi, farmatsevtika, neft-gaz, qurilish materiallari va metall mahsulotlar ishlab chiqarish tarmoqlarida, fan va innovatsiyalar sohasida boshlangan va ishlab chiqilayotgan kooperatsiya loyihalari qayd etildi. Qo‘shma sanoat klasterlarini yaratish orqali ishlab chiqarishni mahalliylashtirish istiqbollari ko‘rib chiqildi.
Transport-logistika sohasidagi hamkorlikka alohida e’tibor qaratildi. “O‘zbekiston – Turkmaniston - Eron” yo‘li orqali avtotransportda yuk tashishni yo‘lga qo‘yish, “Chobahor” porti salohiyatidan samarali foydalanish, yuklar olib kirilishi va tranziti sharoitlarini yengillashtirish bu boradagi imkoniyatlarning kengayishiga xizmat qilishi aytib o‘tildi.
Ikki mamlakat hududlari o‘rtasidagi iqtisodiy, turizm va madaniy aloqalarni faollashtirish muhimligi qayd etildi.
O‘zbekiston va Eron rahbarlari Afg‘oniston mavzusi yuzasidan ham fikr almashishdi.
Ibrohim Raisiy O‘zbekiston prezidentini o‘zi uchun qulay vaqtda javob tashrifi bilan Eronga borishga taklif etdi.
O‘tgan yilda O‘zbekiston va Eron o‘rtasidagi tovar ayirboshlash 73 foizga, joriy yil boshidan esa yana 15 foizga oshgan.
Eslatib o‘tamiz, Shavkat Mirziyoyevning taklifiga binoan Eron prezidenti Ibrohim Raisiy rasmiy tashrif bilan O‘zbekistonga kelgani xabar qilingan edi.
Raisiy 15-16 sentabr kunlari ShHTning Samarqand sammiti tadbirlarida ham qatnashadi.
Yangiliklar lentasi
0