Qirolicha. Yelizaveta II xotiramizda qanday qoladi

Qirolicha Yelizaveta II Vindzor qasrida an’anaviy Rojdestvo tabrigini yo‘llamoqda.

Bu yil 96 yoshga to‘lgan Yelizaveta II, birinchi bo‘lib o‘zining 70-yillik Platina yubileyini nishonlagan, Britaniya tarixidagi eng keksa monarxga aylandi.

Buyuk Britaniya qirolichasi Yelizaveta II, malika Yelizaveta turmush o‘rtog‘i Edinburg gersogi shahzoda Filipp va ularning farzandlari bilan.

Uning hukmronligi davri 1952-yil 6-fevralda, ikki farzandning onasi va rafiqa, 25 yoshli Yelizaveta taxtga o‘tirganidan so‘ng boshlandi.

Malika Yelizaveta (markazda), chet elga evakuatsiya qilingan britaniyalik bolalar oldida nutq so‘zlamoqda. 1940-yil, 22-oktabr, London.

Malika Yelizaveta va uning turmush o‘rtog‘i Edinburg gersogining to‘yi kuni.

Aslida Yelizaveta malika bo‘lishi kerak emas edi: uning amakisi Edvard VIII kutilmagandan taxtdan voz kechadi va dinastiya qoidasi bo‘yicha navbat Yelizavetaga keladi.

Buyuk Britaniya qirolichasi Yelizaveta II va uning turmush o‘rtog‘i shahzoda Filipp toj kiydirish marosimida. 1952-yil, Vestminter abbatligi, London.

Yelizaveta II taxtga o‘tirganida, Ikkinchi jahon urushi endigina tugagan, Uinston Cherchill Buyuk Britaniya bosh vaziri, Garri Trumen AQSh prezidenti, Iosif Stalin esa hali SSSRni boshqarayotgan edi.

Yelizaveta II Londondagi Kings-Kross vokzalida, o‘zining korgi zotli itlari bilan.

Qirolicha Jon Kennedi va Indira Gandining o‘ldirilishi, Sovuq urush yillari, qayta qurish, Berlin devorining qulashi, Margaret Tetcherning kasaba uyushmalari bilan urushi, Folklend urushi, Afg‘oniston va Iroq, SSSRning parchalanishi, terrorchi Nyu-York va Londondagi hujumlarning guvohi bo‘ldi.

Qirolicha Yelizaveta II Vindzor qasrini qo‘riqlovchi Koldstrem gvardiyasining yangi rangdagi kiyim boshlarini ko‘zdan kechirmoqda. 20-may, 1999-yil, Vindzor saroyi London.

Qirolicha muzeylar ochdi, uysizlarni ziyorat qildi, paradlar uyushtirdi, gullar va rasmlardan zavqlandi.

Britaniya parlamentida har yil bir marotaba tashkil etiladigan, qadimgi dabdabali kiyim bosh va an’analar namoyish etiladigan, qirolichaning parlament oldida nutq so‘zlash marosimi.

4 iyun, 2014-yil, Britaniya parlamenti, Lordlar palatasi.

Yelizaveta II 80 yoshga to‘lishimunosabati bilan yuborilgan tabriknomalar bilan tanishmoqda. Aytilishicha, o‘shanda qirolicha 20 mingta tabriknoma va 17 mingga yaqin elektron xat olgan.

19 aprel, 2006-yil, Bukingem saroyi.

Britaniya qirolichasi Yelizaveta II, Edinburg gertsogi shahzoda Filipp, o‘g‘li shahzoda Charlz va uning rafiqasi Kornuol gersoginyasi Kamilla. 27-may, 2015-yil Vestminster saroyi.

U prezidentlar va bosh vazirlar, rahbarlar va papalar bilan suhbatlashdi - suhbatdoshlar uning mavqeyi, tashqi ko‘rinishi va xulq-atvoriga cheksiz hurmat bildirishdi.

Britaniya qirolichasi Yelizaveta II BMT minbarida nutq so‘zlamoqda. Bu qirolichaning BMT minbarida so‘zlagan 2 nutqi va Nyu Yorkka 1976-yildan so‘ng ilk tashrifi bo‘lgan. 6-iyul, 2010-yil, Nyu York.

Malika har bir uchrashuvga puxta tayyorgarlik ko‘rardi va ba’zan suhbatdoshlarini masalaning kutilmagan tafsilotlaridan xabardorligi ekanligi bilan hayratda qoldirardi.

Yelizaveta II "oltin" yubiley marosimida. Pit Kuper ismli masxaraboz qiorlicha oyog‘i ostiga o‘z kiyimini tashladi.

9 may, 2002-yil, sharqiy London.

Yelizaveta II Royal Vindzor otlar ko‘rgazmasiga o‘zi avtomobil haydab keldi.

10 may, 2019-yil, g‘arbiy London, Range Rover.

Yelizaveta II 14 yoshli Fell Poni ismli otni minib sayr qilmoqda.

30 may, 2020-yil. London, Vindzor Home-park.

Qirolicha Yelizaveta II, otliq karetada o‘tirgan holda olomonga qo‘l silkitmoqda. 6-dekabr, 2000-yil. Parlament ochilishi marosimi, Bukingem saroyi.

Britaniyaliklar uchun malika o‘zgaruvchan dunyoda qandaydir o‘zgarmas, ishonch ramzi bo‘lib kelgan.

Yelizaveta II, o‘z qirolligining "platina" yubileyini nishonlash marosimida tort kesmoqda. 5 fev, 2022-yil. Norfolk rezidensiyasi.

Ba’zi bosh vazirlar kelishdi va ketishdi, konservatorlar leyboristlar bilan almashishdi, lekin qirolicha o‘zgarishsiz qoldi.

U har doim o‘ziga juda yarashadigan palto, bekamu–ko‘st shlyapa va o‘sha Launer sumkasi bilan masrur turardi.

Shahzoda Charlz va uning qayolig‘i, Uels malikasi Diana hamda uning ota-onasi qirolicha Yelizaveta II va shahzoda Filipp. 29-iyul, 1981-yil, Bukingem saroyi.

O‘zi barqaror bo‘lsada, uning oilasi doimiy ravishda shov-shuvli yangiliklarining cheksiz manbai bo‘lib keldi.

Shahzoda Charlz va malika Diana janjalini butun dunyo matbuoti barcha tafsilotlarigacha kuzatdi. Ammo busiz ham oilada muammolar ko‘p edi. Qirol oilasining barcha a’zolari malika tashvishini ko‘paytirar edi: singlisi, eri, bolalari, nabiralari

Qirolicha Yelizaveta II va Sasseks gersoginyasi Megan, shahzoda Garri, shahzoda Uilyam va Kembrij gersoginyasi Keyt.

Qirollik aviatsiya kuchlari uchib o‘tishini tomosha qilishmoqda. 10-iyul, 2018-yil.

Lekin har qanday janjal va shov-shuvlar, tanqid va pichirlash fonida, Elizabet tabassum qilishi va saroy balkonidan odamlarga qo‘l silkitib turishi kerak edi...