OTM xodimlari talabalarni ijara uyga joylashtirdi

© Oliy va o‘rta maxsus ta’lim vazirligi Uy bozori
Uy bozori  - Sputnik O‘zbekiston, 1920, 07.09.2022
Obuna bo‘lish
Ayni paytda respublika bo‘yicha jami 26009 nafar talaba yotoqxonaga joylashtirildi.
TOShKENT, 7 sen — Sputnik. Oliy ta’lim vazirligi xodimlari 50 ga yaqin talabani ijara uyiga joylashtirdi. Bu haqida Oliy va o‘rta maxsus ta’lim vazirligi huzuridagi Talaba va o‘quvchilarning ma’naviy yuksalishiga ko‘maklashish markazi xabar berdi.
Qayd etilishicha, yangi o‘quv yili boshlanishi munosabati bilan ijaraga uy qidirib yurgan talabalarni muammolarini o‘rganish va yaqindan yordam berish uchun markaz xodimlari Toshkent shahar, Chilonzor tumanida joylashgan "uy bozori”da bo‘lishdi.
Tashrif davomida talabalarning turar joy bo‘yicha muammolari o‘rganildi. Natijada O‘zMU, TDShU, TMI, TTA, O‘zDSMI, TDTU, O‘zDJTU, TDTrU, TDPU va yana bir qancha OTM talabalarining 50ka yaqini ijaraga joylashtirildi.
“Bu jarayon talabalar to‘liq turar joylar bilan ta’minlangunga qadar doimiy vazirlik nazoratida bo‘ladi”, deyiladi xabarda.
Oliy va o‘rta maxsus ta’lim vazirligi ma’lum qilishicha, Toshkent shahridagi ko‘pchilik talabalarning yotoqxona yoki ijaraga joylasha olmayotgani bilan bog‘liq muammolar saqlanib qolayotgani kun tartibidagi dolzarb masala bo‘lmoqda.
“Kunduzgi ta’lim shaklida talabalar turar joylari mavjud OTMda jami 477 ming 388 nafar talaba tahsil olmoqda. Shundan 83 ming 672 nafarini talabalar turar joylariga joylashtirish belgilangan”, deyiladi xabarda.
Ayni paytda respublika bo‘yicha jami 26009 nafar talaba yotoqxonaga joylashtirildi.
Yangiliklar lentasi
0