Mirziyoyev yangilangan O‘zbekiston milliy bog‘iga tashrif buyurdi – foto
10:42 28.08.2022 (yangilandi: 10:48 28.08.2022)
Obuna bo‘lish
Bog‘ning 14 gektardan ziyod hududida katta ishlar bajarildi. Ma’muriy bino, restoranlar qurilib, ko‘priklar va yo‘laklar yangilandi.
TOShKENT, 28 avg — Sputnik. Prezident Shavkat Mirziyoyev yangilangan O‘zbekiston milliy bog‘iga tashrif buyurdi. Bu haqda davlat rahbari matbuot xizmati xabar berdi.
Bog‘ 1932-yilda hashar yo‘li bilan qurilgan, ko‘p yillar aholining eng sevimli maskani bo‘lgan. Keyingi vaqtlarda bog‘ hududida qurilishlar bo‘ldi - Adiblar xiyoboni, Yozuvchilar uyushmasi binosi, Toshkent shahar tarixi muzeyi, “Magic sity” ko‘ngilochar markazi barpo etildi.
Prezident bu bog‘ning tarixiy qiyofasini saqlab qolish, bu yerda milliy an’analarimizga xos muhit yaratish zarurligini ta’kidlagan edi.
Shu asosida 14 gektardan ziyod hududda katta ishlar bajarildi. Ma’muriy bino, restoranlar qurilib, ko‘priklar va yo‘laklar yangilandi. Jami maydoni 40 ming kvadrat metr bo‘lgan ko‘l tiklandi.
Suv sizib chiqmasligi va loyqalanmasligi uchun ko‘l tubiga maxsus qoplamalar yotqizildi. Qirg‘oqlar tartibga keltirilib, cho‘milish havzasi tashkil etildi. Mingdan ziyod daraxt, 200 mingga yaqin buta ko‘chatlari ekildi.
Shavkat Mirziyoyev shu yerda nuroniylar, adabiyot va san’at namoyandalari bilan ham suhbatlashdi. Ularni yaqinlashib kelayotgan Mustaqillik bayrami bilan tabriklab, ushbu bog‘ning ahamiyati haqida gapirdi.
“Bugun shaharlarimizda bo‘layotgan o‘zgarishlar yaxshi. Lekin qadriyatlarimizni e’zozlash, xotira ham kerak. Ilgari bu bog‘ Toshkentning eng mashhur joyi bo‘lgan, o‘ziga xos ramzlaridan biriga aylangan. Odamlar bu yerga kelib sayr qilgan, ijodkorlar tabiatdan zavq, ilhom olgan. Talabalar, yoshlarning eng zavqli damlari shu yerda o‘tardi. Bu tarixni hozirgi kun bilan hamohang qilishimiz kerak”, - dedi davlat rahbari.
Milliy bog‘da mazmunli dam olish uchun hamma sharoitlar yaratilgan. Oila yoki do‘stlar davrasida sayr qilish, ovqatlanish, shaxmat-shashka va tennis o‘ynash, velosiped haydash mumkin.
1/15
© Press-slujba prezidenta Uzbekistana
2/15
© Press-slujba prezidenta Uzbekistana
3/15
© Press-slujba prezidenta Uzbekistana
4/15
© Press-slujba prezidenta Uzbekistana
5/15
© Press-slujba prezidenta Uzbekistana
6/15
© Press-slujba prezidenta Uzbekistana
7/15
© Press-slujba prezidenta Uzbekistana
8/15
© Press-slujba prezidenta Uzbekistana
9/15
© Press-slujba xokimiyata g. Tashkent
10/15
© Press-slujba xokimiyata g. Tashkent
11/15
© Press-slujba xokimiyata g. Tashkent
12/15
© Press-slujba xokimiyata g. Tashkent
13/15
© Press-slujba xokimiyata g. Tashkent
14/15
© Press-slujba xokimiyata g. Tashkent
15/15
© Press-slujba xokimiyata g. Tashkent
