Toshkent viloyatida yangi temir yo‘l ko‘prigi qurilishi boshlandi

© press-slujba Uzbekiston temir yullariPod Tashkentom nachalos stroitelstvo novogo puteprovoda
Pod Tashkentom nachalos stroitelstvo novogo puteprovoda - Sputnik O‘zbekiston, 1920, 16.08.2022
Obuna bo‘lish
Ko‘prikdagi qurilish ishlari 2023-yilda yakunlanishi rejalashtirilgan.
TOShKENT, 16 avg — Sputnik. Toshkent viloyati Zangiota tumanidagi Nazarbek shaharchasi hududidan o‘tgan temiryo‘l va avtomobil yo‘llari kesishmasida yangi yo‘l o‘tkazgich – ko‘prik qurilishi boshlandi. Bu haqida Toshkent viloyati hokimligi xabar berdi.
Aytilishicha, loyiha doirasida umumiy uzunligi 398 metr, kengligi 22 metr, ko‘prikosti balandligi esa 7 metr bo‘lgan tonnel tipidagi yo‘l o‘tkazgich quriladi.
Ikkinchi bosqichda tonnel ustidan o‘tuvchi 3 izli, uzunligi 32,25 metr, kengligi 18,5 metrli, sxemasi 2x13 bo‘lgan temiryo‘l ko‘prigi barpo etiladi.
Shuningdek, 28 metr uzunlikda hamda 12,5 metr kenglikdagi avtomobil yo‘li ko‘prigi qurilishi ham reja qilingan.
“2023 yilda yakunlanishi rejalashtirilayotgan ko‘prik foydalanishga topshirilgach 32 mingdan ziyod mahalliy aholi va ushbu yo‘ldan o‘tib qaytayotgan boshqa haydovchilarning vaqti tejaladi, avtomobillar tirbandligi bartaraf etiladi”, deyiladi xabarda.
Ayni paytda yerosti yo‘l o‘tkazgichi poydevorida qurilish ishlari tugatilib, loyiha doirasida navbatdagi ishlar bajarilmoqda.
Yangiliklar lentasi
0