https://oz.sputniknews.uz/20220816/islom-oyinlari-ozbekiston--umumjamoa-hisobida-2-oringa-kotarildi-27162746.html

Islom o‘yinlari: O‘zbekiston umumjamoa hisobida 2-o‘ringa ko‘tarildi

Islom o‘yinlari: O‘zbekiston umumjamoa hisobida 2-o‘ringa ko‘tarildi

Sputnik O‘zbekiston

Hozirda O‘zbekiston terma jamoasi sportning turli yo‘nalishlarida qo‘lga kiritgan medallar soni 112 taga yetdi. Shundan 40 tasi oltin. 16.08.2022, Sputnik O‘zbekiston

2022-08-16T10:40+0500

2022-08-16T10:40+0500

2022-08-16T10:40+0500

sport

v islom birdamligi o‘yinlari

https://cdn1.img.sputniknews.uz/img/07e6/08/10/27165919_0:103:1281:823_1920x0_80_0_0_ba134a05102d3f08f8eac4fca5bca270.jpg

TOShKENT, 15 avg — Sputnik. Turkiyada o‘tkazilayotgan Islom birdamligi o‘yinlarida O‘zbekiston terma jamoasi umumiy hisobda 26 ta medal –13 ta oltin, 4 ta kumush va 9 ta bronza medalini qo‘lga kiritdi. Bu haqida Milliy olimpiya qo‘mitasi xabar berdi.Islom birdamligi o‘yinlari tobora qizg‘in pallaga kirib bormoqda. 15-avgust kuni o‘zbekistonlik sportchilar bir qator sport turlarida o‘z mahoratlarini namoyish etishadi.Og‘ir atletikaRuslan Nurudinov o‘yinlarda -109 kg vazn toifasida ishtirok etib, dast ko‘tarishda 187 kg, siltab ko‘tarishda 230 kg va ikki kurash bo‘yicha 417 kg bilan o‘yinlar rekordini o‘rnatdi. U delegatsiya hisobiga 3 ta oltin medalni qo‘shib qo‘ydi.Endigina 20 yoshga qadam qo‘ygan og‘ir atletikachi Tursunoy Jabborova ayollar o‘rtasida -87 kg vazn toifasida kechgan bahslarda mutlaq chempionlikni qo‘lga kiritdi. Dast ko‘tarishda 109 kg, siltab ko‘tarishda 126 kg, ikki kurashda 235 kg natija ko‘rsatgan Tursunoy barcha yo‘nalishda oltin medallarni o‘ziniki qildi.Musobaqada Akbar Jo‘rayev +109 kg vazn toifasida qatnashdi. U dast ko‘tarish mashqida 200 kg natija qayd etib, delegatsiya g‘aznasini yana bir oltin medal bilan to‘ldirdi. E’tiborlisi, Akbar ham bu ko‘rsatkichi bilan musobaqa rekordini o‘rnatishga muvaffaq bo‘ldi.Sharofiddin Amriddinov -102 kg vazn toifasida katta tajribaga ega raqiblari bilan kechgan murosasiz raqobatda 172 kg natija bilan bronza medalini qo‘lga kiritdi.Dzudo-66 kg vazn toifasida qatnashgan Sardor Nurillayev finalda marokashlik Abdurahmon Boushitani mag‘lubiyatga uchratib, oltin medal sohiblari qatoridan joy oldi.Nilufar Ermagambetova ham oltin medalga sazovor bo‘ldi. -57 kg vazn toifasida ishtirok etgan qoraqalpog‘istonlik dzudochi finalda jazoirlik Yamina Xalatani ippon bilan mag‘lubiyatga uchratdi.-73 kg vazn toifasining final bahsida Shahram Ahadov ozarbayjonlik Narimon Mirzayevni mag‘lubiyatga uchratib, oltin medal sohibiga aylandi.52 kg vazn toifasida ishtirok etgan ikki nafar dzudochi shohsupaga ko‘tarildi. Diyora Keldiyorova ushbu musobaqada oltin medalni qo‘lga kiritgan bo‘lsa, Sita Qadamboyeva bronza medaliga sazovor bo‘ldi.-60 kg vazn toifasida ishtirok etgan Kemran Nurillayev finalda ozarbayjonlik Balabay Ag‘abayevga imkoniyatni boy berib qo‘ydi va kumush medal bilan taqdirlandi.-63 kg vazn toifasida bahs olib borgan Sevinch Isoqova bronza medali uchun kechgan bellashuvda senegallik raqibasi ustidan g‘alaba qozonib, sovrindorlar qatoridan joy oldi.TaekvondoTaekvondochi Niyaz Pulatov bronza, uning rafiqasi badiiy gimnastikachi Sabina Tashkenbayeva esa 1 tadan kumush va bronza medallariga sazovor bo‘ldi.ShpagaFayzulla Alimov hamda Nodirbek Mo‘minov Islom birdamligi o‘yinlarida sovrindorlar qatoridan joy olishdi. Alimov yarim finalda ozarbayjonlik Ruslan Hasanovga 11:12, Mo‘minov esa qirg‘izistonlik Roman Petrovga 10:15 hisobida imkoniyatni boy berdi va bronza medaliga ega chiqishdi.SuzishOsh suzuvchi Yegor Petrakov yana bir bor sovrindorlar qatoridan joy oldi. Kuni kecha 400 metrga erkin usulda suzish bahsida bronza medali bilan taqdirlangan atlet bugun ayni shu masofaga kompleks dasturda kechgan bellashuvda ham uchinchi natijani qayd etdi.Xurshidjon Tursunov 22.51 soniya bilan ikkinchi, 22.72 soniya qayd etgan Aleksey Tarasenko esa uchinchi o‘rinni qo‘lga kiritdi. Tursunovning natijasi yangi O‘zbekiston rekordi sifatida qayd etildi.QilichbozlikRapira yo‘nalishida ayollar o‘rtasida o‘tkazilayotgan bellashuvlarda turkiyalik raqibasiga qarshi bahs olib borgan Umida Ilyasova imkoniyatni boy berib qo‘ydi. Shu tariqa, Ilyasova bronza bilan taqdirlandi.Qolaversa, sablya bo‘yicha O‘zbekiston ayollar terma jamoasi Islom birdamligi o‘yinlarining kumush medal sohibiga aylanishdi. Jamoaviy dasturda yarim finalda Turkiyani 45:31 hisobida mag‘lub etgan qizlar finalda ozarbayjonlik raqibalariga 34:45 hisobida imkoniyatni boy berib, musobaqani ikkinchi o‘rinda yakunladilar.

2022

Yangiliklar

uz_UZ

sport, v islom birdamligi o‘yinlari