Don ortilgan ilk kema Istanbulga yetib keldi

© AP Photo / David GoldmanSuxogruz Navi-Star s zernom v portu Odessi. Arxivnoe foto
Suxogruz Navi-Star s zernom v portu Odessi. Arxivnoe foto - Sputnik O‘zbekiston, 1920, 03.08.2022
Obuna bo‘lish
Don ortilgan "Razoni" yuk kemasi Qora dengizdan Bosfor bo‘g‘oziga yetib keldi.
TOShKENT, 3 avg — Sputnik. Dushanba kuni ertalab Odessa portidan yo‘lga chiqqan don ortilgan “Razoni” yuk kemasi seshanba kuni kechqurun Istanbulga yetib keldi. Bu haqda Turkiya Mudofaa vazirligi matbuot xizmati ma’lum qildi, deya xabar berdi RIA Novosti.

“Don ortilgan "Razoni" yuk kemasi Qora dengizdan Bosfor bo‘g‘oziga yetib keldi. U o‘ziga ajratilgan joyga langar tashladi", - deyiladi vazirlik xabarida.

Qayd etilishicha, kema bugun Qo‘shma muvofiqlashtirish markaziga a’zo bo‘lgan Turkiya, Rossiya, Ukraina va Birlashgan Millatlar Tashkiloti vakillari tomonidan ko‘zdan kechiriladi.
22 iyul kuni Istanbulda Rossiya mahsulotlarini eksportga yetkazib berishdagi cheklovlarni bekor qilish va Ukraina g‘allasini eksport qilishda Rossiya tomonidan yordam ko‘rsatish bo‘yicha ko‘p tomonlama bitimlar imzolandi. Rossiya, Turkiya, Ukraina va BMT vakillari tomonidan imzolangan kelishuv Ukraina g‘allasi, oziq-ovqat va o‘g‘itlarini Qora dengiz orqali uchta portdan, jumladan Odessadan eksport qilishni nazarda tutadi.
Yangiliklar lentasi
0