https://oz.sputniknews.uz/20220529/toshkentda-72-yoshli-bemorda-noyob-jarrohlik-otkazildi-24871053.html
Toshkentda 72 yoshli bemorda noyob jarrohlik o‘tkazildi
Toshkentda 72 yoshli bemorda noyob jarrohlik o‘tkazildi
Sputnik O‘zbekiston
Jarrohlikka Rossiyaning A.N.Bakulev nomidagi yurak-qon-tomir jarrohligi markazida uzoq yillar tajriba orttirib qaytgan professor boshchilik qilgan. 29.05.2022, Sputnik O‘zbekiston
2022-05-29T19:01+0500
2022-05-29T19:01+0500
2022-05-29T19:01+0500
jamiyat
sog‘liqni saqlash vazirligi (ssv)
https://cdn1.img.sputniknews.uz/img/07e6/05/1d/24871026_0:67:1280:787_1920x0_80_0_0_84b8725ddfd0db94928855bf3b7a367e.jpg
TOShKENT, 29-may — Sputnik. Toshkentdagi zamonaviy klinikalardan birida noyob kardiojarrohlik operatsiyasi o‘tkazildi. Bor-yo‘g‘i yetti santimetrlik kichik kesma orqali kam invaziv usulda va og‘ir jarohatlarsiz 72 yoshli bemorning aorta klapani almashtirildi, deb xabar bermoqda Sog‘liqni saqlash vazirligi matbuot xizmati.Ta’kidlanishicha, birinchi yangilik — bemorning aortasiga o‘rnatilgan moslamada. Uni “kelajak avlod klapani” yoki “chok tikilmaydigan klapan” deb atash mumkin. Ushbu moslama organizmda 10-15 yil benuqson ishlaydi. Asoratlari esa juda kam.Ikkinchi yangilik — mazkur klapanni o‘rnatish uchun an’anaviy operatsiyadagi singari tanani ochib, 1,5-2 soat davomida yurakni to‘xtatib qo‘yish shart emas. Bu jarayon uchun atigi 10-15 daqiqa kifoya.Uchinchi yangilik — operatsiyadan bir kun o‘tiboq bemor bemalol yura oladi. Jarohatlar bitishi uchun juda kam vaqt talab etiladi. Reabilitatsiya jarayoni tez va oson kechadi.Bu yuqori texnologik amaliyotga Rossiyaning A.N.Bakulev nomidagi yurak-qon-tomir jarrohligi markazida uzoq yillar tajriba orttirib qaytgan malakali kardiojarroh, tibbiyot fanlari doktori, professor Rustam Yorbekov boshchilik qilgan.Shifokorning qayd etishicha, u mamlakatdagi faoliyati davomida 4,5 mingdan ziyod operatsiyalarda ishtirok etdi. Ammo ulardan 28 tasi O‘zbekistonda ilk bor bajarilgan noyob amaliyotlardir.Bugungi operatsiya ham O‘zbekistonda hali ommalashib ulgurgani yo‘q. Biroq shifokor-olim yaqin yillarda “kelajak avlod klapanlari” respublikada minglab bemorlarning umriga umr qo‘shishiga ishonadi.“Avvallari mamlakatimizda bunday insonlar hayotini saqlab qolishning imkoni bo‘lmagan, — deydi Yorbekov. —Qolaversa, dunyoning eng rivojlangan davlatlari klinikalarida ham bu singari operatsiyalar har doim muvaffaqiyatli o‘tkazilmagan. Endi esa O‘zbekiston tibbiyoti yangi bosqichga ko‘tarilishi, xususan, kardioxirurgiya sohasiga ilm-fanning so‘nggi yutuqlari keng tatbiq etilishi yurtdoshlarimizni uzoq yo‘l bosib, katta mablag‘ sarflab xorijiy mamlakatlarda davolanish tashvishidan xalos etdi".
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
2022
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
Sputnik O‘zbekiston
info@sputniknews-uz.com
+74956456601
MIA „Rossiya Segodnya“
jamiyat, sog‘liqni saqlash vazirligi (ssv)
jamiyat, sog‘liqni saqlash vazirligi (ssv)
Toshkentda 72 yoshli bemorda noyob jarrohlik o‘tkazildi
Jarrohlikka Rossiyaning A.N.Bakulev nomidagi yurak-qon-tomir jarrohligi markazida uzoq yillar tajriba orttirib qaytgan professor boshchilik qilgan.
TOShKENT, 29-may — Sputnik. Toshkentdagi zamonaviy klinikalardan birida noyob kardiojarrohlik operatsiyasi o‘tkazildi. Bor-yo‘g‘i yetti santimetrlik kichik kesma orqali kam invaziv usulda va og‘ir jarohatlarsiz 72 yoshli bemorning aorta klapani almashtirildi, deb
xabar bermoqda Sog‘liqni saqlash vazirligi matbuot xizmati.
Ta’kidlanishicha, birinchi yangilik — bemorning aortasiga o‘rnatilgan moslamada. Uni “kelajak avlod klapani” yoki “chok tikilmaydigan klapan” deb atash mumkin. Ushbu moslama organizmda 10-15 yil benuqson ishlaydi. Asoratlari esa juda kam.
Ikkinchi yangilik — mazkur klapanni o‘rnatish uchun an’anaviy operatsiyadagi singari tanani ochib, 1,5-2 soat davomida yurakni to‘xtatib qo‘yish shart emas. Bu jarayon uchun atigi 10-15 daqiqa kifoya.
Uchinchi yangilik — operatsiyadan bir kun o‘tiboq bemor bemalol yura oladi. Jarohatlar bitishi uchun juda kam vaqt talab etiladi. Reabilitatsiya jarayoni tez va oson kechadi.
Bu yuqori texnologik amaliyotga Rossiyaning A.N.Bakulev nomidagi yurak-qon-tomir jarrohligi markazida uzoq yillar tajriba orttirib qaytgan malakali kardiojarroh, tibbiyot fanlari doktori, professor Rustam Yorbekov boshchilik qilgan.
Shifokorning qayd etishicha, u mamlakatdagi faoliyati davomida 4,5 mingdan ziyod operatsiyalarda ishtirok etdi. Ammo ulardan 28 tasi O‘zbekistonda ilk bor bajarilgan noyob amaliyotlardir.
Bugungi operatsiya ham O‘zbekistonda hali ommalashib ulgurgani yo‘q. Biroq shifokor-olim yaqin yillarda “kelajak avlod klapanlari” respublikada minglab bemorlarning umriga umr qo‘shishiga ishonadi.
“Avvallari mamlakatimizda bunday insonlar hayotini saqlab qolishning imkoni bo‘lmagan, — deydi Yorbekov. —Qolaversa, dunyoning eng rivojlangan davlatlari klinikalarida ham bu singari operatsiyalar har doim muvaffaqiyatli o‘tkazilmagan. Endi esa O‘zbekiston tibbiyoti yangi bosqichga ko‘tarilishi, xususan, kardioxirurgiya sohasiga ilm-fanning so‘nggi yutuqlari keng tatbiq etilishi yurtdoshlarimizni uzoq yo‘l bosib, katta mablag‘ sarflab xorijiy mamlakatlarda davolanish tashvishidan xalos etdi".
