Donesk hujumga o‘tdi: “folksshturm” g‘arbga qochmoqda
© Sputnik / Ilya Pitalev
/ Obuna bo‘lish
Rossiya qo‘shinlarining Donbassga hujumi muvaffaqiyatli va to‘xtatib bo‘lmas tarzda davom etmoqda, deydi Sputnik harbiy sharhlovchisi Aleksandr Xrolenko.
Minglab yakson qilingan jangovar texnika va o‘n minglab “demilitarizatsiya” qilingan Kiyev rejimi himoyachilari Ukraina Qurolli Kuchlari qarshiligini sifat jihatdan o‘zgartirdi - mudofaa buyruqlari nima qilishni bilmaydi, majburiy safarbar qilingan “folksshturm” (milliy himoya ko‘ngilli bo‘linmalari) oldingi chiziqda g‘arbga chekinishga tayyorligini bildirib norozilik ko‘rsatmoqda, Ukrainaning butun “sharqiy fronti” hozirgi vaziyatda so‘nggi kunlarini boshidan kechirmoqda.
23 may kuni Rossiyaning Donbassdagi hujumi bir vaqtning o‘zida Popasna hududidagi bir nechta muhim hududlarda Ukraina mudofaasini yorib o‘tdi. Balakleya janubida, Avdeyevka, Severodonesk, Lisichansk va Liman tumanlarida “Kichik qozon” (qurshov) shakllanmoqda. Baxmut - Lisichansk muhim transport magistrali to‘sib qo‘yildi. Ukraina Qurolli Kuchlarining mudofaasi Marinka va Peskida ham taslim bo‘lmoqda (ushbu aholi punktlaridagi mustahkamlangan hududlar uzoq vaqt davomida Doneskning aholi punktlariga artilleriya zarbalari berish bilan shug‘ullanib kelgan).
Dushmanning katta guruhi Severodonesk va Lisichanskda taktik qurshovga olingan. Rossiya qo‘shinlari va LXR xalq militsiyasi shahar atrofi va turar-joy hududlarini Ukraina qurolli tuzilmalaridan birma-bir tozalamoqda. Avdeyevka, Severodonesk va Lisichansk garnizonlari “Mariupol himoyachilari” taqdirini takrorlashi mumkin - bu yerdagi “qozonlarga” Ukraina Qurolli Kuchlarining 50 mingga yaqin tushishi mumkin.
Ukraina frontining taslim bo‘lishi aloqa va ta’minot tizimlarini uslubiy yo‘q qilishni tezlashtiradi. Dushman saflarida vahima kayfiyati hukm surmoqda. Ukraina Qurolli Kuchlari bo‘linmalari o‘zboshimchalik bilan o‘z pozitsiyalarini tark eta boshladilar. 23-may kuni Liman yaqinida 500 dan ortiq ukrainalik askarlar taslim bo‘ldi. Prezident Vladimir Zelenskiy va Oliy Bosh Qo‘mondon Valeriy Zalujniyga jamoaviy murojaatlar muntazam ravishda e’lon qilinmoqda. Jamoaviy murojaatlarda Ukraina Qurolli Kuchlari askarlari qo‘mondonlik, og‘ir texnika, mustahkamlash yo‘qligi haqida gapirishmoqda va jangovar topshiriqlarni bajarishdan bosh tortishmoqda.
Rahbariyat esa turlicha muosabat bildirmoqda. Ukraina Bosh shtabi frontda sodir bo‘layotgan voqealar haqida tizimli ravishda dezinformatsiya tarqatish bilan shug‘ullanmoqda. Masalan, Bosh shtab Limanskiy yo‘nalishida janglar yo‘qligini e’lon qildi va prezidentdan g‘arbga chekinish to‘g‘risida mustaqil qaror qabul qilish huquqini so‘radi.
Prezident devoni Oliy Radada harbiy xizmatchilarni (komandirlar tomonidan), dezertirlik, uni sudsiz va tergovsiz qatl qilishgacha bo‘lgan va buyruqni bajarishdan bosh tortganlik uchun jazoni kuchaytiruvchi qonun loyihasini ishlab chiqdi. Qonun loyihasi razvedka, milliy xavfsizlik va mudofaa masalalari bo‘yicha profil qo‘mitasida muhokamadan o‘tishga ham ulgurdi. Ukraina Jinoyat kodeksiga ko‘ra, dezertirlik 12-yilgacha ozodlikdan mahrum qilish bilan jazolanadi.
“Ukraina loyiha”sining g‘arbiy kuratorlari ko‘rsatmasi bilan Zelenskiy Ukraina Qurolli Kuchlaridan so‘nggi nafasga qadar turishni talab qiladi va frontga “folksshturm” jo‘natadi ya’ni jangovar vaziyatda deyarli foydasiz bo‘lgan fuqarolarni majburan safarbar qiladi. Ukraina Qurolli Kuchlarining yo‘qotishlari ortib bormoqda, Rossiyaning hujumi Kiyev rejimi uchun halokatli bo‘lyapti.
G‘arbning makkor yordami
23 may kuni Rossiyaning dengizga asoslangan uzoq masofali yuqori aniqlikdagi raketalari Jitomir viloyatidagi Malin temir yo‘l stansiyasi yaqinida Ukraina qo‘shinlari va G‘arb harbiy texnikasi jamlangan joyga zarba berdi. Ukraina Qurolli kuchlarining harbiy obyektlariga raketa, artilleriya va bombali zarbalar 90 kun davomida ketma-ket amalga oshirilmoqda.
Harbiy texnika taqchilligi Ukraina askarlarini fuqarolik transportiga o‘tishga majbur qilmoqda. Oliy Rada 12-may kuni Rossiya maxsus operatsiyasini qo‘llab-quvvatlagan Ukraina fuqarolarining mulkini musodara qilish to‘g‘risidagi qonunni qabul qilishga majbur bo‘ldi.
NATO davlatlarining Ukraina hududidagi qurol-yarog‘lari “sharqiy frontga” deyarli yetib bormaydi - Rossiyaning omborlar va temir yo‘l tutash stansiyalariga raketa hujumlari G‘arb yordamini muntazam chippakka chiqarmoqda. So‘nggi 24 soat ichida yuqori aniqlikdagi havodan uchirilgan raketalar Minkovka, Baxmut, Nikolayevka, Spornoe va Qizil Liman hududlaridagi oltita o‘q-dorilar omboriga, shu jumladan Razdolovkadagi Amerikaning M-777 gaubitsalari uchun 155 mm snaradlardan iborat katta arsenalga zarba berdi.
Amerika yordamining samaradorligini bo‘rttirib ko‘rsatib bo‘lmaydi. AQSh prezidenti Jozef Bayden Ukrainaga 40 milliard dollar ajratish to‘g‘risidagi qonunni imzoladi. Biroq Davlat Dumasi spikeri Vacheslav Volodinning aytishicha, bu mablag‘ning 35% i Pentagonni moliyalashtirishga yo‘naltiriladi, 45,2% “boshqa davlatlar”ga sarflanadi, 4,8% qochqinlarga yordam berish va AQShning Ukrainadagi elchixonasini qayta ochish uchun taqdim etiladi. O‘z navbatiga Ukraina Qurolli Kuchlariga to‘g‘ridan-to‘g‘ri 15% yoki 6 milliard dollar qoladi.
Ehtimol, bu qishgacha yetar. Lekin, Ukraina qarz va foizlarni to‘liq miqdorda (40 milliard dollar) qaytarishlari kerak. Amerika biznesining qoidalari shunaqa. Ta’kidlash joiz, avvalroq AQSh va Yevropa Ittifoqi tomonidan ajratilgan milliardlab dollar va yevrolar Kiyev rejimiga yordam bermadi, faqat halok bo‘lgan ukrainalik harbiylar sonini ko‘paytirdi.
NATOning Ukrainani Polshaga ikki tomonlama kelishuvlari bilan “integratsiyalash”ga qilayotgan ikkiyuzlamachi urinishlari ham yaxshi oqibatlarga olib kelmaydi. 23-may kuni Rossiyaning Polshadan kelgan bo‘linmalar va qurol-yarog‘lar haqidagi ma’lumotlar fonida Pavlograddagi harbiy obyektga (Donbassdagi Ukraina Qurolli kuchlarini ta’minlovchi eng muhim transport markazi) raketa hujumi buning dalilidir.
OAV ma’lumotlariga ko‘ra, sakkizta “Rapira” tankga qarshi qurollari bo‘lgan Amerika zirhli mashinalaridagi polshalik piyoda askarlar bo‘lgan ikkita batalon “sharqiy frontga” yetib bormagan.
Unutmaslik kerakki, Rossiya Qurolli Kuchlari texnologik, taktik va strategik jihatdan NATOni nafaqat Ukraina hududida, balki boshqa hududlarni ham demilitarizatsiya qilishga tayyor. (Bunda Varshava boshqalarga qaraganda ko‘proq xavf ostida).
24 fevraldan beri uch oy ichida Rossiya qo‘shinlari: 178 ta samolyot, 125 ta vertolot, 995 ta uchuvchisiz uchish apparati, 320 ta zenit-raketa kompleksi, 3243 ta tank va boshqa zirhli jangovar texnika, 425 ta zalp olovli raketa reaktiv tizimlari, 1658 ta raketa va artilleriyani, shuningdek, Ukraina Qurolli Kuchlarining 3124 ta avtomobilini yo‘q qildi.
Bu raqamlarda yuzlab G‘arb qurollari ham ko‘rsatilgan. Va bugun Rossiya Mudofaa vaziri Sergey Shoygu Ukrainadagi maxsus operatsiya Rossiyaga qarshi sanksiyalar va AQShning Kiyev rejimiga harbiy yordam ko‘rsatishiga qaramay, vazifalar to‘liq bajarilmaguncha (demilitarizatsiya va denatsifikatsiya) davom etishini tasdiqladi.
Kollektiv G‘arb hech qachon shartlarini Rossiyaga o‘tkaza olmaydi. AQSh va NATO uchun ideal ssenariy Ukrainadagi mojaroning muttasil davom etib turishidir.
Ukraina Qurolli Kuchlarining qarshiligi befoyda va samarasiz, qo‘g‘irchoq Kiyev rejimi esa ukrain xalqiga dushmanlarcha munosabatda bo‘lmoqda. Rossiya Federatsiyasi Mudofaa vazirligi Ukraina armiyasida halok bo‘lganlarning umumiy sonini 50 ming kishiga yaqin deb baholamoqda. “Terroristik mudofaa” jangchilari, chet ellik yollanma askarlarni esa hech kim hisoblamaydi. Bedarak yo‘qolganlarning soni noma’lum. Ukraina armiyasining qolgan askarlarini (hududi va davlatchiligini ham) faqat Ukraina Qurolli Kuchlari harbiy xizmatchilarining ommaviy taslim bo‘lishi bilan saqlab qolish mumkin.
