Rossiya Uchinchi jahon urushi boshlanishiga yo‘l qo‘ymaydi – Medvedev
© Sputnik / Yekaterina Shtukina
/ Obuna bo‘lish
Rossiya Xavfsizlik kengashi raisi o‘rinbosari Dmitriy Medvedev Rossiya uchinchi jahon urushi boshlanishiga yo‘l qo‘ymasligini aytdi.
TOShKENT, 18-may — Sputnik. Rossiya Uchinchi jahon urushining boshlanishiga yo‘l qo‘ymaydi, ammo hujum sodir bo‘lgan taqdirda darhol va juda kuchli javob berishga qodir. Haqda seshanba kuni Rossiya Federatsiyasi Xavfsizlik kengashi raisi o‘rinbosari Dmitriy Medvedev Sarovdagi yadro markaziga tashrifi yakunlari bo‘yicha o‘zining Telegram-kanalida ma’lum qildi.
“Zamonaviy, ishonchli, samarali qurollar arsenali bugungi kunda ham o‘zining va boshqalarning qo‘li bilan uchinchi jahon urushini boshlashga tayyor bo‘lganlarning ambitsiyalarini sovitadi. Biz bunday vaziyatga yo‘l qo‘ymaymiz. Lekin biz doimo mamlakatimizga hujum qilingan taqdirda darhol va o‘ta kuchli javob berishga qodirligimizni eslatib turamiz. Davlatimizga tahdid soladigan har qanday tajovuzni qaytarish uchun”, - deydi Medvedev.
Uning so‘zlariga ko‘ra, sanksiyalar sharoitida Rossiya ilm-fanini qo‘llab-quvvatlash zarur.
“Biz import o‘rnini bosishni kuchaytiramiz, original mahalliy ishlanmalarni joriy qilamiz, istiqbolli mutaxassislarni tayyorlaymiz. Bu ishga yirik davlat korporatsiyalari va xususiy korxonalar buyurtmachi va tashkilotchi sifatida qo‘shilishi kerak, - dedi Medvedev. -Va, albatta, biz do‘st davlatlar bilan ilmiy-texnik hamkorlikka ochiqmiz”.
Rossiya tahdidlarga qarshi
AQSh boshchiligidagi G‘arb mamlakatlari go‘yoki "Rossiya tahdidiga qarshi turish" maqsadida NATO chegaralarini tobora Sharqqa tomon surib kelayotgan vaqtda, Rossiya o‘ziga nisbatan paydo bo‘lishi mumkin bo‘lgan turli ehtimoliy tahdidlarga qarshi raketa qurollarini ildam rivojlantirmoqda. Bugungi kunda Rossiya gipertovush tezligida uchadigan raketalarning bir necha turi, "Sarmat" transkontinental ballistik raketasi va yana qator zamonaviy qurollar namunalarini ishlab chiqarib, ular bilan o‘z Qurolli kuchlarini jihozlamoqda.
