“Azovstal”dan tinch aholini evakuatsiya qilish yakunlandi – Rossiya Mudofaa vazirligi
12:20 08.05.2022 (yangilandi: 18:37 05.04.2023)
© Sputnik / Aleksey Kudenko
Obuna bo‘lish
Ta’kidlanishicha, "Azovstal”dan evakuatsiya qilingan kishilarning xavfsizligi ta’minlangan va ularga tibbiyo va ruhiy yordam ko‘rsatilgan.
TOShKENT, 8-may — Sputnik. Mariupolda “Azovstal” zavodidan tinch aholini evakuatsiya qilish operatsiyasi yakunlandi. Bu haqda Rossiya Mudofaani boshqarish milliy markazi boshlig‘i general-polkovnik Mixail Mizinsev ma’lum qildi.
Ta’kidlanishicha, 5-maydan buyon, operatsiya boshlangani e’lon qilingan paytdan, 51 kishini, jumladan, 11 nafar bolani qutqarishga muvaffaq bo‘lingan. 7-may kuni bir kishi qutqarilgan.
“Rossiya Federatsiya rahbariyati tomonidan qabul qilingan misli ko‘rilmagan choralar tufayli, Birlashgan Millatlar Tashkiloti va Xalqaro Qizil Xoch Qo‘mitasi vakillarining faol ishtirokida bugun “Azovstal” metallurgiya kombinatidan tinch aholini evakuatsiya qilish gumanitar operatsiyasi yakunlandi”, - deyilgan xabarda.
Ma’lum qilinishicha, “Azovstal”dan evakuatsiya qilingan kishilarning xavfsizligi ta’minlangan va ularga tibbiyo va ruhiy yordam ko‘rsatilgan. Shundan so‘ng ular BMT va Qizil xoch vakillari hamrohligida vaqtincha joylashish joylariga ketishgan.
Eslatib o‘tamiz Rossiya Qurolli kuchlari va DXR mudofaa kuchlari Mariupol shahrini 7-mart kuni qurshab olishgan edi. 21-aprel kuni Rossiya mudofaa vaziri Sergey Shoygu shahar to‘liq ozod qilinganini e’lon qildi, biroq “Azovstal” zavodida ukrainalik millatchi batalonining ikki mingdan ortiq jangarilari qolmoqda. Rossiya prezidenti Vladimir Putin sanoat zonasiga hujumni to‘xtatishni, ammo "hatto pashsha uchib chiqa olmaydigan darajada” to‘sib qo‘yishni buyurgan edi.
Eslatib o‘tamiz Rossiya Qurolli kuchlari va DXR mudofaa kuchlari Mariupol shahrini 7-mart kuni qurshab olishgan edi. 21-aprel kuni Rossiya mudofaa vaziri Sergey Shoygu shahar to‘liq ozod qilinganini e’lon qildi, biroq “Azovstal” zavodida ukrainalik millatchi batalonining ikki mingdan ortiq jangarilari qolmoqda. Rossiya prezidenti Vladimir Putin sanoat zonasiga hujumni to‘xtatishni, ammo "hatto pashsha uchib chiqa olmaydigan darajada” to‘sib qo‘yishni buyurgan edi.
