Rossiya o‘zbek limonining asosiy xaridori bo‘lib qolmoqda

© Sputnik / Maks Vetrov / Mediabankka o‘tishSbor limonov
Sbor limonov - Sputnik O‘zbekiston, 1920, 11.04.2022
Obuna bo‘lish
O‘zbekiston 2022-yilning yanvar-fevral oylarida 1,2 ming tonna limon eksport qilgan.
TOShKENT, 11 apr — Sputnik. O‘zbekiston 2022-yilning yanvar-fevral oylarida 6 ta xorijiy davlatlarga qiymati 1,3 mln dollarga teng bo‘lgan 1,2 ming tonna limon eksport qilgan. Asosiy xaridor – Rossiya.
Davlat statistika qo‘mitasi ma’lumotlariga ko‘ra, limon eksporti o‘tgan yilning mos davri bilan solishtirilganda 309 tonnaga oshgan.
O‘zbekiston limonlarini xarid qilishda Rossiya yetakchi. Ikki oy davomida u yerga 715 tonna limon eksport qilingan. Keyingi o‘rinlarda Qozog‘iston – 325 tonna va Qirg‘iziston – 194 tonna.
Farg‘ona (521 tonna), Toshkent (219 tonna) va Xorazm viloyatlari (159 tonna) xorijga eng ko‘p limon eksport qilgan hududlar orasida yetakchi.
Avvalroq rossiyalik restoratorlar O‘zbekistonning meva-sabzavotlari, gazmol va vinolariga katta qiziqish bildirayotgani va mahalliy tadbirkorlar bilan hamkorlikni yo‘lga qo‘yishga tayyor ekanliklari xabar qilingan edi.
O‘tgan yil yakuni bo‘yicha O‘zbekiston va Rossiya o‘rtasidagi tovar ayirboshlash uchdan birga ortib, rekord daraja – 7,5 milliard dollarga yetgan. Joriy yilning birinchi oylarida savdo ko‘rsatkichlari 50 foizdan ziyodga oshgan.
Bugungi kunda O‘zbekistonda Rossiya ishtirokida tashkil etilgan 2 mingdan ortiq qo‘shma korxona muvaffaqiyatli faoliyat yuritmoqda, Rossiyadan mamlakat iqtisodiyotiga jalb qilingan investitsiyalar hajmi 10 milliard dollardan ziyodni tashkil etmoqda.
Yangiliklar lentasi
0