Navro‘z bayramida ichki sayohatlar uchun chegirmalar beriladi

© SputnikPloshad Poi Kalon
Ploshad Poi Kalon - Sputnik O‘zbekiston, 1920, 14.03.2022
Obuna bo‘lish
Navro‘z bayrami munosabati bilan temir yo‘l chiptalari, muzey, mehmonxona, ovqatlanish shoxobchalariga chegirmalar e’lon qilindi.
TOShKENT, 14 mar — Sputnik. 19-23 mart kunlari “Uzbekistan Airways”ning barcha ichki reyslari va “O‘zbekiston temir yo‘llari”ning poyezd chiptalarida chegirmalar bo‘ladi. Bu haqda Turizm va madaniy meros vazirligi ma’lum qildi.
“Uzbekistan Airways”dagi chegirmalar:
respublika aholisi uchun ichki respublikalararo qatnovlarning barcha turdagi tariflar uchun – 50 foiz;
“O‘zbekiston temir yo‘llari”dagi chegirmalar:
respublikaning barcha ichki temir yo‘l qatnovlarida nafaqaxo‘rlar, nogironlar, 1941-1945 yil urush qatnashchilari va ularga tenglashtirilgan fuqarolar uchun – 50 foiz;
oliy o‘quv yurtlari talabalari, maktab o‘quvchilari, kollej va litsey talabalari, IIV, MV, DXX, DSQ va DBX maxsus ta’lim muassasalari talabalari uchun – 15 foiz;
oilalar (ikki va undan ortiq kishi) uchun – 15 foiz;
kollektiv (hamkasblarga) guruhdagilar uchun – 15 foiz;
Afrosiyob” tezurar elektropoyezdlarida barcha toifadagi yo‘lovchilar uchun - 10 foiz.
Bundan tashqari, “Vaqf” xayriya jamoat fondi tasarrufidagi pulli kirish chiptalari joriy qilingan ziyoratgohlariga kattalar uchun 20 foiz hamda yoshlar uchun 50 foiz chegirmalar mavjud bo‘ladi.
Vazirlik, shuningdek, 50 foizgacha chegirmasi bor muzey, mehmonxona va ovqatlanish shoxobchalarining ro‘yxatini e’lon qilgan.
Yangiliklar lentasi
0