https://oz.sputniknews.uz/20220311/samarqandda-yangi-quyosh-elektr-stantsiyasi-ishga-tushadi-23265291.html
Samarqandda yangi quyosh elektr stansiyasi ishga tushadi
Samarqandda yangi quyosh elektr stansiyasi ishga tushadi
Sputnik O‘zbekiston
Samarqandda aprel oyiga qadar umumiy quvvati 100 megavatt bo‘lgan yangi FES ishga tushadi. U 80 mingdan ortiq xonadonni elektr energiya bilan ta’minlaydi. 11.03.2022, Sputnik O‘zbekiston
2022-03-11T13:09+0500
2022-03-11T13:09+0500
2022-03-11T13:09+0500
iqtisod
samarqand viloyati
quyosh fotoelektr stansiyasi
https://cdn1.img.sputniknews.uz/img/07e6/03/0b/23265036_0:113:1200:788_1920x0_80_0_0_fae68468f899ab0528454bf33ee3b74d.jpg
TOShKENT, 11 mar - Sputnik. Samarqand viloyatining Nurobod tumanida aprel oyiga qadar umumiy quvvati 100 megavattga teng bo‘lgan quyosh fotoelektr stansiyasi ishga tushiriladi, deb xabar qilmoqda Energetika vazirligi. Ushbu stansiyaning yer maydoni 353 gektarga teng. Quyosh panellarining umumiy soni esa 295 mingdan ortiq. Ayni kunlarda panellarni o‘rnatish jarayonlari davom etmoqda.Elektr stansiya ishga tushgach nimalar o‘zgaradi: Stansiya davlat-xususiy sheriklik tamoyillari asosida Fransiyaning “Total Eren” kompaniyasi tomonidan qurilmoqda. Loyiha qiymati 100 million dollarni tashkil etadi.Ma’lumot o‘rnida, aynan ushbu quvvatdagi birinchi quyosh fotoelektr stansiyasi o‘tgan yilning avgust oyida Navoiy viloyatining Karmana tumanida ishga tushirilgan edi.2023 yil yakuniga qadar Samarqand viloyatining Kattaqo‘rg‘on tumanida quvvati 220 megavatt bo‘lgan viloyatdagi ikkinchi yirik quyosh fotoelektr stansiyasi ishga tushirilishi rejalashtirilgan. Stansiya Birlashgan Arab Amirliklarining “Masdar” kompaniyasi tomonidan quriladi.
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2022
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
iqtisod, samarqand viloyati, quyosh fotoelektr stansiyasi
iqtisod, samarqand viloyati, quyosh fotoelektr stansiyasi
Samarqandda yangi quyosh elektr stansiyasi ishga tushadi
Samarqandda aprel oyiga qadar umumiy quvvati 100 megavatt bo‘lgan yangi FES ishga tushadi. U 80 mingdan ortiq xonadonni elektr energiya bilan ta’minlaydi.
TOShKENT, 11 mar - Sputnik. Samarqand viloyatining Nurobod tumanida aprel oyiga qadar umumiy quvvati 100 megavattga teng bo‘lgan quyosh fotoelektr stansiyasi ishga tushiriladi, deb xabar qilmoqda Energetika vazirligi.
Ushbu stansiyaning yer maydoni 353 gektarga teng. Quyosh panellarining umumiy soni esa 295 mingdan ortiq. Ayni kunlarda panellarni o‘rnatish jarayonlari davom etmoqda.
Elektr stansiya ishga tushgach nimalar o‘zgaradi:
Birinchidan, yiliga 260 million kilovatt-soat elektr energiyasi ishlab chiqariladi. Buning natijasida 80 mingdan ortiq xonadon elektr energiyasi bilan ta’minlanadi.
Ikkinchidan, yiliga 78 million kub metr tabiiy gaz tejalab qolinadi. Bu esa respublikadagi mavjud barcha aholi xonadonlarini bir kun davomida tabiiy gaz bilan ta’minlash imkonini beradi.
Uchinchidan, atmosferaga 100 ming tonna zararli chiqindilar chiqishining oldi olinadi.
To‘rtinchidan, stansiyada yangi ish o‘rinlari yaratiladi. Qurilish ishlariga 400 nafar ishchi-xodim jalb etilgan bo‘lsa, stansiya ishga tushgach ularning soni yana 25 nafarga ko‘payadi.
Stansiya davlat-xususiy sheriklik tamoyillari asosida Fransiyaning “Total Eren” kompaniyasi tomonidan qurilmoqda. Loyiha qiymati 100 million dollarni tashkil etadi.
Ma’lumot o‘rnida, aynan ushbu quvvatdagi birinchi quyosh fotoelektr stansiyasi o‘tgan yilning avgust oyida Navoiy viloyatining Karmana tumanida ishga tushirilgan edi.
2023 yil yakuniga qadar Samarqand viloyatining Kattaqo‘rg‘on tumanida quvvati 220 megavatt bo‘lgan viloyatdagi ikkinchi yirik quyosh fotoelektr stansiyasi ishga tushirilishi rejalashtirilgan. Stansiya Birlashgan Arab Amirliklarining “Masdar” kompaniyasi tomonidan quriladi.
