Qish faslining so‘nggi kunlarida ob-havo qanday bo‘ladi?

© Sputnik / Yevgeniya Novojenina / Mediabankka o‘tishTeplaya pogoda
Teplaya pogoda  - Sputnik O‘zbekiston, 1920, 26.02.2022
Obuna bo‘lish
Eron hududidan iliq havo massalari kirib kelishi oqibatida 27-28 fevral kunilari havo haroarati iqlimiy meyorlardan 8-10 daraja yuqori bo‘ladi.
TOShKENT, 26 fev - Sputnik. Qish faslining so‘nggi kunlari 27-28 fevral kunlarida O‘zbekistonda ob havo odatiy normadan ancha iliq bo‘ladi, deb xabar qilmoqda "O‘zgidromet".
Xususan, Eron hududlaridan iliq havo kirib kelishi kuchayishi hisobiga aksariyat hududlarida havo harorati kunduz kunlari +17...+22 daraja iliq, janubda +23...+25 daraja issiq bo‘ladi. Bu ko‘rsatgichlar ushbu kunlarning iqlimiy meyorlaridan 8-10 daraja yuqoridir.
Respublika hududining katta qismida yog‘ingarchilik kutilmaydi. Faqat shimoliy hududlarga 27-fevral kuni Kaspiy dengizi hududlaridan nam havo massasi kirib kelishi boshlanadi.
Yakshanba kuni Qoraqalpog‘istonda, Xorazm viloyatining ba’zi joylarida biroz yomg‘ir yog‘adi.
28 fevralda respublikaning barcha hududlarini nam havo massasi qamrab oladi, respublikaning ko‘pchilik hududlarida ba’zi joylarda yomg‘ir yog‘adi, faqat Farg‘ona vodiysi viloyatlarida yomg‘ir yog‘maydi.
Respublikaning Tog‘li hududlarida 25-28 fevral kunlari qor ko‘chishi xavfi bor.
Yangiliklar lentasi
0