Samarqandda haydovchilarni qiyratib kelgan jinoiy guruh qo‘lga olindi

© Pexels.com/ Kindel MediaNaruchniki
Naruchniki - Sputnik O‘zbekiston, 1920, 20.02.2022
Obuna bo‘lish
Pul berishdan bo‘yin tovlagan haydovchilarni yollangan sportchilar do‘pposlab, jismoniy tazyiq o‘tkazib kelishgan.
TOShKENT, 20 fev — Sputnik. Samarqand shahrida taksi haydovchilardan pul undirib kelgan jinoiy guruhning faoliyatiga chek qo‘yildi. Bu haqda Samarqanda viloyati IIB xabar qildi.
Ma’lum qilinishicha, muqaddam sudlangan 7 nafar samarqandlik Samarqand–Navoiy va Samarqand–Buxoro yo‘nalishida qatnovchi haydovchilardan muntazam zo‘ravonlik va tovlamachilik yo‘li bilan pul undirib kelgan. Ular doimiy yo‘nalishda taksichilik qilish uchun 300–500 dollar va kunlik qatnovchi haydovchilardan 30 ming – 50 ming so‘mgacha olib kelishgan.
Jinoiy guruh a’zolariga qarshi chiqqan yoki so‘ralgan pullarni bermaganlarga og‘ir tan jarohatlari yetkazib kelishgan. Bu ishlarga sportchilar ham jalb qilingan. Ular haydovchilarga jismoniy tazyiq o‘tkazib, kuch ishlatishgan.
Ijtimoiy tarmoqda “Shohistaxon” bo‘lib tamagirlik qilgan erkak ushlandi
O‘tkazilgan tezkor tadbirda guruh yetakchilari V.F. va E.D. jinoyat ustida qo‘lga olingan.
Hozir ularga nisbatan Jinoyat kodeksining tegishli moddalari bilan jinoiy ish qo‘zg‘atilgan.
Tergov harakatlari davom ettirilmoqda.
Yangiliklar lentasi
0