Mirziyoyev: agar tashqi qarz bo‘lmaganida oyliklar oshishi ham, metro ham bo‘lmasdi

© Press-slujba prezidenta UzbekistanaPrezident Uzbekistana Shavkat Mirziyoyev
Prezident Uzbekistana Shavkat Mirziyoyev - Sputnik O‘zbekiston, 1920, 20.02.2022
Obuna bo‘lish
Prezident Yangihayot tumaniga tashrifi chog‘ida hokimlar va faollar bilan uchrashuvda O‘zbekistonning tashqi qarziga izoh berdi.
TOShKENT, 20 fev — Sputnik. 18-fevral kuni prezident Shavkat Mirziyoyev Yangihayot tumaniga tashrifi chog‘ida hokimlar, sektor rahbarlari va faollar bilan uchrashuvda O‘zbekistonning tashqi qarziga izoh berdi. Bu haqda “O‘zbekiston 24” telekanalida efirga uzatilgan “Menimcha” ko‘rsatuvida ma’lum qilindi.
“Avvalambor bizning hamma qarzimiz qonun nuqtayi nazaridan… Agar bu bo‘lmaganida oylik ham, metro ham bo‘lmas edi. Tibbiyot xodimlari yoki muallimlarning oyliklari oshmas edi. O‘tiraverar edik, avvalgidek qarsak chalib, balandparvoz gap gapirib. Bu esa menga yoqmaydi”, — dedi davlat rahbari.
Shuningdek, prezident rahbarlarga ertalab vaqtliroq uyg‘onish kerakligini ta’kidladi.
“Men hokimga (Jahongir Ortiqxo‘jayevga – tahr.) necha marta aytaman 6:00 da uyg‘on deb. Hozir 6:00 da emas, 5:30 da yorug‘ bo‘lib ketapti”, — dedi u.
Poytaxt hokimi davlat rahbarining so‘zlarni tasdiqlab, vaqtli uyg‘onayotganini ma’lum qildi.
Eslatib o‘tamiz, 2021-yil 1-oktabr holatiga ko‘ra, O‘zbekistonning tashqi qarzi 37,6 mlrd dollarni tashkil qilgan edi. Bunda davlat qarzi 22,9 mlrd dollar, davlat tomonidan kafolatlanmagan tashqi qarz esa 14,7 mlrd dollardir.
Yangiliklar lentasi
0