“O‘zbektelekom”: aholi maskanlarining 95 foizi mobil internet bilan qamrab olindi

© Pixabay / Jan Vašek Mobilniy telefon, illyustrativnoe foto
Mobilniy telefon, illyustrativnoe foto - Sputnik O‘zbekiston, 1920, 19.01.2022
Obuna bo‘lish
"O‘zbektelekom" kompaniyasi direktori o‘rinbosarining so‘zlariga ko‘ra, o‘tgan yili xalqaro internet tarmog‘iga ulanishning umumiy o‘tkazuvchanlik imkoniyati 1 800 Gbit/s ga yetkazilgan.
TOShKENT, 19 yanv — Sputnik. Bugungi kunga kelib 95 foiz aholi maskanlari mobil internet bilan qamrab olingan. Bu haqda "O‘zbektelekom" kompaniyasi direktori o‘rinbosari Alisher Zufarov AOKAdagi brifingda ma’lum qildi.
Uning qayd etishicha, mobil aloqa xizmatlarini rivojlantirish maqsadida 2021-yilda 902 ta qo‘shimcha baza stansiyalari o‘rnatilib, ularning umumiy soni 19 233 taga yetkazilgan.
“Bugungi kunga kelib 95 foiz aholi maskanlari mobil internet bilan qamrab olingan, 54 foiz uy xo‘jaliklariga yuqori tezlikdagi simli internetga ulanish imkoni yaratilgan”, - dedi "O‘zbektelekom" kompaniyasi direktori o‘rinbosari.
Zufarov o‘tgan yili xalqaro internet tarmog‘iga ulanishning umumiy o‘tkazuvchanlik imkoniyati 1 800 Gbit/s ga yetkazilganini ma’lum qildi. Operator va provayderlarga Internet xizmatlari uchun tarif 42,9 foizga arzonlashtirilib, 1 Mbit/s uchun 30 ming so‘mni tashkil etgan.
Hududlardamobil aloqani rivojlantirish maqsadida 2021-yilda respublika bo‘ylab 234 ta obyektda 717 ta baza stansiya qurilmalari o‘rnatilgan.
Ko‘p kvartirali uylar kamida 1 Gbit/s o‘tkazuvchanlik qobiliyati bilan internetga ulanadi
Respublika hududidaga barcha ijtimoiy obyektlarni yuqori tezlikdagi internet bilan qamrab olish borasida amalga oshirilgan ishlar natijasida mahalla fuqarolar yig‘inlarining 80 foizi, umumta’lim maktablari, maktabgacha ta’lim tashkilotlari hamda tibbiyot muassasalarining yuqori tezlikdagi internetga ulanish imkoniyati 100 foizga chiqarilgan.

Mavzuga oid:

Internet tezligi oshadi va qamrovi kengayadi - vazirlik
Internet tezligi: O‘zbekiston Markaziy Osiyo davlatlari orasida nechanchi o‘rinda?
Yangiliklar lentasi
0