Hukumat yaqin yillarda OTMlar sonini 200 taga yetkazishni mo‘ljallamoqda

© Sputnik / Ramiz BaxtiyarovStudenti na leksii.
Studenti na leksii. - Sputnik O‘zbekiston, 1920, 02.01.2022
Obuna bo‘lish
Kelgusi 5-yilda Andijon viloyatida 4 ta xususiy oliygoh, Namanganda esa 7 ta oliygoh o‘z eshiklarini ochishi mumkin.
TOShKENT, 2 yanv — Sputnik. O‘zbekiston hukumati 2026-yilgacha nodavlat oliy ta’lim tashkilotlari sonini kamida 50 taga, oliy ta’lim muassasalari sonini 200 taga yetkazishni rejalashtirmoqda. Bu “Yangi O‘zbekistonning 2022−2026 yillarga mo‘ljallangan Taraqqiyot strategiyasi to‘g‘risida”gi prezident farmoni loyihasida ko‘zda tutilgan.
Qoraqalpog‘iston Respublikasida 5 ta nufuzli mahalliy va xorijiy oliygohlarning filiallari tashkil etilishi kutilmoqda. Toshkent viloyatida Nurafshon davlat universiteti ochiladi. U 5 ming nafar talabaga mo‘ljallangan bo‘ladi.
Kelgusi 5-yilda Andijon viloyatida 4 ta xususiy oliygoh, Namanganda esa 7 ta oliygoh o‘z eshiklarini ochishi mumkin.
Samarqand shahrida 20 ming nafar talabaga mo‘ljallangan “Yoshlar shaharchasi”ni barpo etilib, unda kamida 4 ta xorijiy universitetning filial va kampuslarini joylashtiriladi.
Ayrim davlat OTMlariga kontrakt narxini mustaqil belgilash huquqi berildi
Xorijiy davlatlarning yetakchi texnika universiteti bilan birgalikda Samarqand texnologiya universitetini tashkil etish ham rejada bor.
Har bir hududda oliy ta’limga bo‘lgan ehtiyojdan kelib chiqib, kamida 1 tadan nodavlat oliy ta’lim tashkiloti tashkil etilishi kutilmoqda.
Oliy va o‘rta maxsus ta’lim vazirligi ma’lumotlariga ko‘ra, mamlakatda oliygohlar soni 156 taga yetgan.
O‘zbekistonlik talabalar uchun Rossiyada kvotalar soni uch baravarga ko‘paytiriladi
2022 yilda Rossiya O‘zbekistonda 10 tacha OTM filialini ochishni rejalashtirgan. Bugungi kunga qadar O‘zbekistonda Rossiyaning 15 ta yetakchi universitetlarining filiallari tashkil etilgan bo‘lib, ulardan 12 tasi 2018—2021 yillarda ochilgan. Mazkur filiallarda mamlakatning 6 ming nafardan ortiq talabasi tahsil olmoqda.
Yangiliklar lentasi
0