Komil Allamjonov mast holda mashina haydaganlarni 15 sutkaga qamashni taklif qildi

© Sputnik / Yevgeniya Novojenina / Mediabankka o‘tishVoditel za rulem avtomobilya
Voditel za rulem avtomobilya - Sputnik O‘zbekiston, 1920, 26.12.2021
Obuna bo‘lish
Allamjonov: Yiliga minglab odamlar vafot etayotganini inobatga olib, bu sohada favqulodda holat e’lon qilish kerak deb hisoblayman.
TOShKENT, 26 dek – Sputnik. Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov mast holda avtomobil boshqarganlik uchun 15 sutka qamoq jazosi belgilashni taklif qildi.
“Spirtli ichimlik iste’mol qilib transport boshqarayotgan haydovchilarga nisbatan 15 sutka qamoq jazosi va haydovchilik guvohnomasidan mahrum qilishni taklif qilaman. Yiliga minglab odamlar vafot etayotganini inobatga olib, bu sohada favqulodda holat e’lon qilish kerak deb hisoblayman. Ahvol ko‘chada o‘ta og‘ir”, deya yozdi Allamjonov o‘zining Telegram kanalida.
Avvalroq transport vositasini mast holda boshqarganlik uchun jazo choralari kuchaytirilishi kutilayotgani ma’lum bo‘lgan edi. Ma’muriy va Jinoyat kodekslariga bunga oid o‘zgartirish va qo‘shimchalar kiritish bo‘yicha takliflar kiritilgan.
Yil boshidan buyon Toshkent yo‘llarida halok bo‘lgan piyodalar soni ochiqlandi
Amaldagi Ma’muriy javobgarlik to‘g‘risidagi kodeksning 131-moddasiga asosan, mast holda mashina haydash uni transport boshqarish huquqidan 1-yilu 6 oydan 3-yilgacha muddatga mahrum qilib, 25 BHM (6,7 mln so‘m) jarimaga solishga sabab bo‘ladi. Haydovchining organizmida alkogol miqdori 0,135 promilledan yuqori bo‘lsa, u mast holda transport vositasini boshqargan hisoblanadi.
Yangiliklar lentasi
0