SSV shifoxonalardagi ortiqcha qog‘ozbozlikni qisqartirishga kirishdi

© O‘zbekiston SSV matbuot xizmatiSSVda Toshkent shahridagi bir guruh tibbiyot xodimlari bilan uchrashuvda qog‘ozbozlik bilan bog‘liq holatlar muhokama qilindi.
SSVda Toshkent shahridagi bir guruh tibbiyot xodimlari bilan uchrashuvda qog‘ozbozlik bilan bog‘liq  holatlar muhokama qilindi. - Sputnik O‘zbekiston, 1920, 30.11.2021
Obuna bo‘lish
Hozir shifokor va hamshiralari hozir 26 turdagi jurnallar, 33 turdagi hisobot shakllari to‘ldirishga majbur bo‘lmoqda.
TOShKENT, 30 noya – Sputnik. Tibbiyot muassasalaridagi ortiqcha qog‘ozbozlikni bartaraf etish uchun Sog‘liqni saqlash vazirligida tuzilgan ishchi guruh o‘rganishlar olib borilmoqda.
Vazirlikda Toshkent shahridagi bir guruh tibbiyot xodimlari bilan uchrashuvda qog‘ozbozlik bilan bog‘liq holatlar muhokama qilingan. Amaliyot uchun foydali bo‘lmagan, ortiqcha ovoragarliklarni keltirib chiqarayotgan hujjat va hisobot shakllarini qayta ko‘rib chiqish hamda qisqartirish yuzasidan mutasaddilarga topshiriqlar berilgan.
Ma’lum bo‘lishicha, shifokor va hamshiralari hozir 26 turdagi jurnallar, 33 turdagi hisobot shakllari hamda bemorlarga beriladigan o‘nlab turdagi blankalarni to‘ldirishga majbur bo‘lmoqda.
Masalan, “Tibbiyot xodimlarining jarohat holatlarini qayd qilish jurnali"ga noxush vaziyatlar yuz bermasa, oylab, hatto yillab ehtiyoj bo‘lmasligi mumkin. Lekin hamshira ana shu hujjat turiga har kuni “Bugun ko‘ngilsiz holatlar sodir bo‘lmadi” degan mazmundagi qaydlarni kiritib borishi shart.
“Vaholanki, shifokorning eng asosiy vazifasi odamlarga shifo ulashishdan iborat. U buning uchun har bir bemorga o‘rtacha 15 daqiqa vaqt ajratishi kerak. Biroq amalda shundan ma’lum qismi hujjat to‘ldirishga sarflanmoqda”, - deyiladi SSV xabarida.
Birlamchi bo‘g‘in xodimlari “Ambulator-poliklinika muassasasiga kelganlarni qayd etish jurnali” ham ortiqcha, degan fikrda. Chunki xodimning uni to‘ldirib o‘tirishi uzundan uzoq navbatlarni yuzaga keltirishi mumkin. Bu esa odamlarning haqli e’tirozlariga sabab bo‘lmoqda.
Qolaversa, bemorlar qabul bo‘limidan ro‘yxatdan o‘tgach, shifokor huzuriga kirish uchun yana ro‘yxatga yozilishi zarur.
Ushbu holatlarni bartaraf etish uchun ayni paytda SSV tuzilgan ishchi guruh tomonidan o‘rganishlar olib borilmoqda.
Volonter pokupayet neobxodimie lekarstva po spisku dlya pensionerki - Sputnik O‘zbekiston, 1920, 26.11.2021
Retseptsiz beriladigan dori vositalari ro‘yxati yangilanadi – SSV
Yangiliklar lentasi
0