https://oz.sputniknews.uz/20210523/namanganda-xalqaro-gullar-festivali-boshlanmoqda-18861486.html

Namanganda Xalqaro gullar festivali boshlanmoqda

Namanganda Xalqaro gullar festivali boshlanmoqda

Sputnik O‘zbekiston

Namangan xalqaro aeroporti oldida turfa xil gullar bilan bezatilgan 200 dan ortiq avtomashinalar karvoni shahar markazi tomon yo‘l oladi. 23.05.2021, Sputnik O‘zbekiston

2021-05-23T09:51+0500

2021-05-23T09:51+0500

2021-05-23T14:02+0500

jamiyat

namangan viloyati

xalqaro gullar festivali

https://cdn1.img.sputniknews.uz/img/1161/20/11612055_0:13:1201:688_1920x0_80_0_0_acebaa92ad647b059a4f6eda0d40dfb8.jpg

TOShKENT, 23-may — Sputnik. 23—31 may kunlari Namangan shahrida 60-Xalqaro gullar festivali o‘tkaziladi. Festival boshlanishiga sanoqli daqiqalar qoldi, deb xabar bermoqda Sputnik muxbiri.Festivalga Namangan bilan birodarlashgan viloyatlar va shaharlar delegatsiyalari ham taklif etilgan. Ular qatorida Turkiyaning Isparta va Usmong‘ozi, Xitoyning Sindao, Janubiy Koreyaning Incheon, Belarusning Mogilov shaharlari, Pokistonning Panjob, Rossiyaning Chelyabinsk va Sverdlovsk, Qirg‘izistonning Jalolobod viloyatlari bor. Bir hafta davomida mehmonlarni ajoyib va betakror tadbirlar kutib turibdi. Gullar avtoparadi va ko‘rgazmalari, gul yetishtirish va landshaft dizayni bo‘yicha mahorat darslari, folklor ansambllari va o‘zbek estradasi yulduzlarining chiqishlari, milliy hunarmadchilik va xalq amaliy san’ati asarlari namoyishi shular jumlasidan. Festival yakunida tadbirda faol ishtirok etgan gulchilar qimmatbaho sovg‘alar, jumladan, avtomobillar bilan taqdirlanishi ko‘zda tutilgan.23 may kuni soat 10:00 da Namangan xalqaro aeroporti oldida turfa xil gullar bilan bezatilgan 200 dan ortiq avtomashinalar karvoni shahar markazi tomon yo‘l oladi. Avtokarvonda zamonaviy va antikvar, oddiydan tortib maxsus tenikalargacha ko‘rish mumkin bo‘ladi. Aeroport—Islom Karimov ko‘chasi—Temir yo‘l vokzali aylanmasi—Amir Temur—Nodim Namangoniy ko‘chalari bo‘ylab harakatlanadigan avtokarvon shahar markazidagi ochilish marosimi o‘tkaziladigan joygacha yetib keladi.Shundan so‘ng viloyat markazidagi Tinchlik maydonida festivalning tantanali ochilish marosimi bo‘lib o‘tadi. Uni viloyat hokim Shavkatjon Abdurazzaqov ochib beradi va barcha ishtirokchilarni qutlab, nutq so‘zlaydi. El suygan san’atkorlarning badiiy chiqishlari namoyish etiladi.Festivalni xalqaro miqyosda yuqori saviyada o‘tkazish uchun katta tayyorgarlik ishlari amalga oshirildi. Jumladan, festival o‘tadigan Bobur nomli madaniyat va istirohat bog‘ida 3 mlrd 300 mln so‘mlik qurilish-montaj, obodonlashtirish ishlari amalga oshirildi. “Nuroniy” jamg‘armasi viloyat bo‘limining ma’muriy binosi, “Otalar choyxonasi”, 800 tomoshabinga mo‘ljallangan amfiteatr, ochiq estrada maydoni, “Sokin hudud”, “Nasihat maydoni” barpo etildi. 165 ta tungi chiroq, 65 ta so‘ritokli o‘tirg‘ich o‘rnatildi. 9 ta ko‘cha bilan bog‘lovchi 9 ta darvoza qad rostladi. Mo‘’tadil havoni saqlab turuvchi fontanlar, 1,5. km ochiq suv tizimi, 3 ta yerosti drenaji qudug‘i ishga tushirildi. 1 gektarlik ko‘lda “Muzqaymoq orolchalari”, “Qayiqlar bekati”, xududda 48 ta attraksion barpo etildi. Shaxmat-shashka klubi maskani qad rostladi. 4 ta katta gulxona, 5 gektarlik maydonda 500 ga yaqin noyob manzarali daraxtlar parvarishi yo‘lga qo‘yildi. 100 dan ziyod korxona va tashkilotlar tomonidan 11 million tupdan ziyod noyob gul ko‘chatlari badiiy kompozitsiyali ravishda o‘tqazildi.Gullar festivaliga 500 000 dan ziyod mehmonlar kelishi kutilmoqda.

https://oz.sputniknews.uz/20190527/Gullar-bayrami-Namanganda-besh-kun-davom-etadigan-gozal-tantana-video-11611812.html

https://oz.sputniknews.uz/20190524/Namangan-Flowers-2019-Namanganda-misli-krilmagan-gullar-paradi-tkaziladi-11586761.html

namangan viloyati

2021

Yangiliklar

uz_UZ

jamiyat, namangan viloyati, xalqaro gullar festivali