O‘zbekiston musulmonlari idorasi Sharqiy Quddusdagi vaziyat yuzasidan munosabat bildirdi

© Sputnik / Ariel SpornIsrael Palestinians Conflict
Israel Palestinians Conflict - Sputnik O‘zbekiston, 1920, 20.05.2021
Obuna bo‘lish
Idora hozirgi qaltis vaziyatda davlatlar, millatlar va elatlar o‘rtasidagi nizolarni tinch yo‘l bilan hal etish eng to‘g‘ri yo‘l, deb hisoblaydi.
TOShKENT, 20-may — Sputnik. O‘zbekiston musulmonlari idorasi Sharqiy Quddusdagi mo‘min-musulmonlar uchun eng tabarruk mintaqada notinchliklar davom etayotganidan jiddiy tashvishda ekanini ma’lum qildi.
Idora Quddus shahrida Al-Aqso masjidi Islom dini manbalarida keltirilgan uch muqaddas masjiddan biri ekani va u mo‘min-musulmonlar uchun doimo azizu mukarram ekanini eslatgan.
Ta’kidlanishicha, o‘z navbatida ushbu mintaqada boshqa din vakillari uchun ham tabarruk hisoblangan ziyoratgohlar mavjud. Shunday ekan mintaqada zo‘ravonlik, jabru sitamga chek qo‘yilishi hamda bundan buyon shafqatsizlik va qon to‘kilishiga yo‘l qo‘ymaslik juda ham muhim hisoblanadi.

“O‘zbekiston musulmonlari idorasi hozirgi qaltis vaziyatda davlatlar, millatlar va elatlar o‘rtasidagi nizolarni tinch yo‘l bilan hal etish eng to‘g‘ri yo‘l, deb hisoblaydi. Ayni vaqtda mo‘min-musulmonlarni mavjud voqelikni Quddusdagi vaziyat bilan bog‘lagan holda noo‘rin bahs-munozaralar, ixtilof va tushunmovchiliklar keltirib chiqarishga, noto‘g‘ri xatti-harakatlarga da’vat qilayotgan fitnalardan ehtiyot bo‘lishga chaqiramiz”, - deyilgan idora bayonotida.

Eslatib o‘tamiz, prezident matbuot kotibi Sherzod Asadov O‘zbekiston Sharqiy Quddusdagi vaziyat keskin tus olishidan juda xavotirda ekanini bildirgan edi.
Prezident RF Vladimir Putin i prezident Tursii Redjep Tayip Erdogan - Sputnik O‘zbekiston, 1920, 15.05.2021
Erdo‘g‘on va Putin Falastinga qanday yordam berishi mumkin?
Yangiliklar lentasi
0