Yong‘in, yo‘qotishlar, vayronalik: Isroil va G‘azo sektoridagi o‘q yog‘dirish oqibatlari

Sharqiy Quddusda Ramazon oyida Al-Aqso masjidiga ibodat qilishga kelgan falastinliklarning tarqatib yuborish sababli yuzaga kelgan tartibsizliklar bir necha kun to‘xtamadi.

Bundan tashqari, falistinlik oilalarning ayrim tumanlarlan ko‘chirib yuborish qarori namoyishchilarning g‘azabini qo‘zg‘adi.

So‘nggi yillar ichidagi eng yirik mojaroning keskinlashishiga Sharqiy Quddusdagi voqealar sabab bo‘ldi.

Arab millatiga mansub aholi ko‘p bo‘lgan shaharlarda norozilik avj oldi.

Tez orada ko‘chadagi tartibsizliklar to‘laqonli jangovar harakatlar va havo hujumiga aylanib ketdi.

Falastin guruhlari Isroil hududiga qarata mingdan ziyod raketa uchirdi.

Isroil ham G‘azo sektoriga qarata zarba berdi. Buning natijasida 30 nafardan ziyod kishi, jumladan, 10 nafar bola halok bo‘ldi.

Raketa hujumlari oqibatida besh isroillik halok bo‘lgan, 200 nafardan ziyodi jarohat olgan.

Isroil Mudofaa vazirligi rahbari armiya to‘liq sukunat cho‘kishiga qadar zarba berishda davom etishini ma’lum qildi.

Turkiya prezidenti Rajab Toyyib Erdog‘an va Checheniston yetakchisi Ramzan Qodirov Isroilni zo‘ravonlikda ayblab, uning xatti-harakatlarini keskin qoraladi.

O‘zbekiston ham Isroil va Falastinni zo‘ravonlikka chek qo‘yishga chaqirdi. Falastin-Isroil muammosi xalqaro huquq meyorlari, BMT Xavfsizlik Kengashi tomonidan avval qabul qilingan rezolyutsiyalar hamda “ikki xalq uchun ikki davlat” tamoyili asosida hal etilishi lozim.

O‘zbekiston Al-Aqso masjidi va Quddusdagi boshqa muqaddas qadamjolarning daxlsizligini — status-kvoga rioya etilishini ta’minlash zarur deb hisoblaydi.