TOShKENT, 27 dek — Sputnik. 2020-yil 26-dekabr holatiga ko‘ra, O‘zbekistonda koronavirus bilan kasallanganlar soni 76 751 (+85) nafarni tashkil etmoqda. Bu haqda Sog‘liqni saqlash vazirligi xabar qilmoqda.
Yangi kasallanganlarning 1 nafari Qoraqalpog‘iston Respublikasida, 2 nafari Andijon viloyatida, 2 nafari Jizzax viloyatida, 5 nafari Qashqadaryo viloyatida, 3 nafari Namangan viloyatida, 11 nafari Toshkent viloyatida, 61 nafari Toshkent shahrida koronavirusga chalingan bemorlar bilan muloqotda bo‘lganligi sababli namuna olingan fuqarolar orasida aniqlangan.
Shuningdek, 1 nafar koronavirusga chalingan bemor vafot etib, qurbonlar soni 613 nafarga etdi. Qayd etish joizki, mamlakatda koronavirusning so‘nggi qurboni 11-dekabr kuni qayd etilgan edi.
Toshkentda koronavirusga qarshi kurashganlarga davlat mukofotlari topshirildi
Mamlakatdan kasalllikdan sog‘ayganlarning jami 74291 (+198) nafarga yetdi va sog‘ayish ko‘rsatkichi 98 foizni tashkil qilmoqda.
Ayni paytda tibbiyot muassasalarida davolanayotgan 1847 nafar bemordan 168 nafari og‘ir, 32 nafari esa o‘ta og‘ir ahvolda.
