TOSHKENT, 18 dek - Sputnik. Tashkent City bogʻiga yangi yil arafasi va yangi yil kunlarida kirish vaqtinchalik pullik etib belgilandi.
Xususan, 17 dekabrdan 10 yanvargacha kirish uchun pul toʻlanadi.
Chipta narxlari:
5 yoshgacha boʻlgan bolalarga — bepul;
5 yoshdan 12 yoshgacha boʻlgan bolalar uchun — 5 000 soʻm;
12 yoshdan kattalar uchun — 10 000 soʻm;
Pensionerlarga — 5 000 soʻm (guvohnoma mavjud boʻlgan taqdirda);
Nogironligi boʻlgan shaxslarga — bepul (guvohnoma mavjud boʻlgan taqdirda);
Yengil avtomobilda kirish — 20 000 soʻm (yoʻlovchilarni hisobga olgan holda).
Ayni vaqtda, ushbu qaror keng jamoatchilik tomonidan qizgʻin muhokama qilinmoqda. Ayrim blogerlar, Toshkent-siti maʼmuriyatining ushbu qaroriga sarkazm tariqasida, ijtimoiy tarmoqdagi sahifalariga "kanalimga kirish bepul. Marhamat, 10 ming soʻm toʻlab qoʻying", degan postlarni eʼlon qilishgan.
