Dam olish kunlari O‘zbekistonga sovuq havo massalari kirib keladi

Obuna bo‘lish
Respublika shimolida qor ko‘rinishidagi yog‘ingarchilik shanba kuniga o‘tar kechasi boshlanadi. Barcha joylarda yomg‘ir ko‘rinishidagi yog‘ingarchilik qorga aylanishi bilan kuzatiladi.

TOShKENT, 18 dek - Sputnik. O‘zbekistonda dam olish kunlari havo yana soviydi, deb xabar bermoqda O‘zgidromet.

Bugun Respublikaning barcha hududlarida asosan quyoshli ob-havo kuzatildi - kunning o‘rtasida havo 5-10 daraja iliq, janubda ba’zi joylarda 13 daraja iliq bo‘ldi. Iliq va asosan quyoshli ob-havo O‘zbekistonning tog‘li hududlarida ham saqlanib turdi.

Ammo dam olish kunlari Rossiyaning janubiy hududlaridan sovuq va nam havo massalari kirib kelishi O‘zbekiston bo‘ylab ob-havoni yomonlashishiga olib keladi, deyilgan xabarda.

Ta’kidlanishicha, Respublika shimolida qor ko‘rinishidagi yog‘ingarchilik shanba kuniga o‘tar kechasi boshlanadi. Barcha joylarda yomg‘ir ko‘rinishidagi yog‘ingarchilik qorga aylanishi bilan kuzatiladi. Ba’zi joylarda shamol 15-20 m/s gacha kuchayadi. Faqat eng chekka sharqda (Andijon, Namangan, Farg‘ona viloyatlari) shanba kuni kun davomida havo bulutli, lekin quruq bo‘lishi kutilmoqda.

Yakshanba kuni g‘arbiy hududlarda yog‘ingarchilik kuzatilmaydi, Toshkent, Samaraqand, Jizzax, Sirdaryo, Qashqadaryo viloyatlarida qor ko‘rinishidagi yog‘ingarchilik kunning ikkinchi yarmigacha davom etadi va faqat eng chekka janubda va Farg‘ona vodiysida yog‘ingarchilik bo‘lishi kun davomida saqlanib turadi.

Havo harorati yakshanba kuniga 2 daraja sovuq 3 daraja iliq qiymatlarigacha pasayadi

Yangiliklar lentasi
0