TOSHKENT, 17 dek — Sputnik. Miniatyura sanʼati YUNESKOning nomoddiy madaniy merosi reprezentativ roʻyxatiga kiritildi. Bu haqda bosh vazir oʻrinbosari, Turizmni rivojlantirish davlat qoʻmitasi raisi Aziz Abduhakimov maʼlum qildi.
“Miniatyura sanʼatining YUNESKOning Reprezentativ roʻyxatiga kiritilgani uzoq tarixga ega va Oʻzbekistonda oʻzining eng yuqori choʻqqisiga yetgan ushbu sanʼat turining xalqaro eʼtirofidir”, - deya yozgan u Facebook᾽dagi sahifasida.
YUNESKOning Nomoddiy madaniy merosni himoya qilish boʻyicha hukumatlararo qoʻmitasi XV sessiyasida Kamoliddin Behzod singari koʻplab yorqin va taniqli rassomlar bilan oʻzbek miniatyura maktabi koʻp asrlar davomida dunyodagi eng kuchli va eng taniqli maktablardan biri boʻlib qolayotgani taʼkidlandi.
YUNESKO Fargʻonani dunyoning aholisi eng oʻqimishli shaharlar roʻyxatiga kiritdi
Ushbu sessiyada nomoddiy madaniy merosning 42 milliy va koʻp millatli elementi boʻyicha nomzodlar koʻrib chiqiladi.
