TOShKENT, 17 noya — Sputnik. Rossiya bosh vaziri Mixail Mishustin 2021-yilda xorijiy ishchilarning ruxsat etilgan ulushini tasdiqlovchi farmonni imzoladi.
Tegishli hujjat huquqiy-axborot rasmiy internet-portalida joylashtirilgan.
Yangi ro‘yxatda, mehnat muhojirlari odatda ish bilan band bo‘lgan qator iqtisodiy faoliyat turlari uchun yollanib ishlaydigan xorijiy ishchilar ulushiga aniqlik kiritilgan.
Jumladan, kelgusida xorijiy ishchilarning ruxsat berilgan qismi o‘rmonchilik va yog‘och tayyorlash sohasida, hamda sabzavot yetishtirish va mebel tayyorlash ishlarida band bo‘ladiyu Bunday subyektlarda foydalaniladigan bunday ishchilarning ulushi umumiy ishchilar sonining 50%ini tashkil etishi mumkinligi belgilangan.
Qurilishda bu miqdor 80 %ni, quruqlikdagi yo‘lovchilar transportida, shu jumladan, yuk tashish transportida ham umumiy hajmning atigi 24 foizini tashkil qiladi.
Shu bilan birga, qurilishdagi miqdor Buratiya, Dog‘iston, Amur viloyati va Moskvaga daxl qilmasligi belgilangan.
Dog‘iston uchun bu ulush 50%ni tashkil etadi.
Ko‘chmas mulk boshqaruvida rag‘batlantirish yoki kelishuv shartnomasi asosida 70%gacha yollanma ishchi kuchi jalb etilishiga ruxsat berilgan.
Migrantlarning 70%i JKX sohasiga binolar va hududlarga xizmat ko‘rsatish bo‘yicha ishga joylashishlari mumkin bo‘ladi.
